સરકારની નેશનલ ફાર્માસ્યુટિકલ પ્રાઇસિંગ ઓથોરિટી દર વર્ષે હોલસેલ પ્રાઇસિંગ ઇન્ડેક્સના આધારે આવશ્યક દવાઓના ભાવ નક્કી કરે છે. 2024 માટે હોલસેલ પ્રાઇસિંગ ઇન્ડેક્સમાં 1.74 ટકાનો વધારો નોંધવામાં આવ્યો છે, જેના કારણે કંપનીઓ સરકારની મંજૂરી વિના ભાવમાં વધારો કરી શકે છે.નેશનલ ફાર્માસ્યુટિકલ પ્રાઇસિંગ ઓથોરિટીના મતાનુસાર , "કેલેન્ડર વર્ષ 2024માં હોલસેલ પ્રાઇસિંગ ઇન્ડેક્સમાં 1.74 ટકાનો વધારો થયો છે, તેથી કંપનીઓ દવાઓના છૂટક ભાવ સમાન દરે વધારી શકે છે.

આટલી દવાઓના ભાવ વધુ ચુકવવા પડશે

એન્ટિબાયોટિક્સ

એઝિથ્રોમાસીન (250 મિલિગ્રામ) – પ્રતિ ટેબ્લેટ 11.87 રૂપિયા

એઝિથ્રોમાસીન (૫૦૦ મિલિગ્રામ) – ૨૩.૯૮ રૂપિયા પ્રતિ ટેબ્લેટ

એમોક્સિસિલિન + ક્લેવ્યુલેનિક એસિડ ડ્રાય સીરપ - 2.09 રૂપિયા પ્રતિ મિલી

એન્ટિવાયરલ દવાઓ

એસાયક્લોવીર (200 મિલિગ્રામ) – પ્રતિ ટેબ્લેટ રૂ. 7.74

એસાયક્લોવીર (૪૦૦ મિલિગ્રામ) – પ્રતિ ટેબ્લેટ ૧૩.૯૦ રૂપિયા

મેલેરિયાની દવા

હાઇડ્રોક્સીક્લોરોક્વિન (200 મિલિગ્રામ) - પ્રતિ ટેબ્લેટ 6.47 રૂપિયા

હાઇડ્રોક્સીક્લોરોક્વિન (૪૦૦ મિલિગ્રામ) – પ્રતિ ટેબ્લેટ ૧૪.૦૪ રૂપિયા

પીડા નિવારક દવાઓ

ડિક્લોફેનાક - પ્રતિ ટેબ્લેટ રૂ. ૨.૦૯

આઇબુપ્રોફેન (200 મિલિગ્રામ) - પ્રતિ ટેબ્લેટ 0.72 રૂપિયા

આઇબુપ્રોફેન (૪૦૦ મિલિગ્રામ) - ૧.૨૨ રૂપિયા પ્રતિ ટેબ્લેટ

ડાયાબિટીસની દવા

ડાપાગ્લિફ્લોઝિન + મેટફોર્મિન હાઇડ્રોક્લોરાઇડ + ગ્લિમેપીરાઇડ - પ્રતિ ટેબ્લેટ ૧૨.૭૪ રૂપિયા

સ્ટેન્ટના ભાવમાં પણ વધારો

હોલસેલ પ્રાઇસિંગ ઇન્ડેક્સના આધારે કોરોનરી સ્ટેન્ટના ભાવમાં પણ વધારો કરવામાં આવ્યો છે.

બેર-મેટલ સ્ટેન્ટ – રૂ. ૧૦,૬૯૨.૬૯

ડ્રગ-એલ્યુટીંગ સ્ટેન્ટ - રૂ. ૩૮,૯૩૩.૧૪

સામાન્ય માણસનું જીવવું ઔર દુષ્કર

આવશ્યક દવાઓના ભાવમાં વધારાથી સામાન્ય માણસના ખિસ્સા પર અસર પડશે. ખાસ કરીને જેઓ પહેલાથી જ મોંઘવારી અને સ્વાસ્થ્ય ખર્ચનો સામનો કરી રહ્યા છે તેમના માટે મુશ્કેલીઓ વધી શકે છે. જોકે, સરકારનું કહેવું છે કે આ ભાવ વધારો જરૂરી હતો જેથી દવા કંપનીઓ વધતા ખર્ચનો સામનો કરીને ઉત્પાદન ચાલુ રાખી શકે. હવે જોવાનું એ રહે છે કે આવનારા દિવસોમાં આ વધારાની સામાન્ય લોકો પર કેટલી અસર પડશે.