અત્યારે શું નીકળ્યા ચાલો સાઈડમાં આવો, ઉભા રહો, આવા સવાલો કાલે જયાપાર્વતીના જાગરણમાં માર્ગેા પર ઉતરેલી પોલીસ અધિકારીઓ દ્રારા ટુ વ્હીલર, ફોર વ્હીલરમાં નીકળેલાઓને રોકીને પુછાતા હતા, જો યોગ્ય પ્રત્યુતર ન હોય કે જાગરણમાં ઉજાગરા કરવા નીકળેલા ભમરાઓ હોવાનું પોલીસને દેખાય તો આવા ઈસમોને પોલીસે બરોબરના પાઠ ભણાવી પોંખ્યા હતા. ગતરાત્રે જાગરણમાં યુવતીઓ કે પરિવારોમાં નીકળનારા લોકોને કોઈ ખલેલ ન પડે, છેડતી કે આવી કોઈ ઘટના ન બને લુખ્ખાઓ કે ટપોરીઓ કે આવા તત્વો શાનમાં રહે તે માટે રાજકોટના માર્ગેા પર ક્રાઈમ બ્રાંચ, એસઓજી, એલસીબીની ટીમો ઉપરાંત જે તે પોલીસ મથકનો સ્ટાફ બંદોબસ્તમાં ખડેપગે રહ્યો હતો. વાહન ચેકીંગ કરાયા હતા. બ્લેક ગ્લાસવાળા વાહનો સામે પણ કાર્યવાહી કરાઈ હતી. કયાંક કયાંક કોઈકને ઉઠક બેઠક પણ કરાવાઈ હતી. રેસકોર્ષ રીંગરોડ, કાલાવડ રોડ જેવા માર્ગેા પર પોલીસે વધુ સતર્કતા દાખવી હતી અને જાગરણ શાંતિપૂર્ણ સંપન્ન થયું હતું. (તસવીર : દર્શન ભટ્ટી