જાણવા મળતી વિગતો મુજબ,રાજકોટ જિલ્લા પોલીસ વડા હિમકરસિંહએ જિલ્લા પોલીસ નાસતા ફરતા આરોપીને ઝડપી લેવા તથા અપહરણ થયેલા વ્યકિતઓને શોધી કાઢવા સૂચના આપી છે.જે સૂચનાના પગલે મેટાડા જીઆઇડીસી પોલીસ મથકના પીઆઇ એસ.એચ.શર્માની રાહબરી હેઠળ ટીમ તપાસમાં હતી દરમિયાન મળેલી બાતમીના આધારે મહિસાગર જિલ્લાના કોઠંબા પોલીસ સ્ટેશનમાં નોંધાયેલા સગીરાના અપહરણના ગુનામાં ફરાર આરોપી રાહુલ કીર્તનભાઇ પરમાર(ઠાકોર)(ઉ.વ ૩૦ રહે. કાઠડી તા. ગળતેશ્ર્વર જી.ખેડા) ને છાપરા જીઆઇડીસી વિસ્તારમાં શીવમ ઇન્ડસ્ટ્રીઝ એરિયામાં આવેલા વિધાતા ફુડ કારખાનાન ઓરડીમાંથી ઝડપી લઇ સગીરાને મુકત કરાવી હતી.

પોલીસે જણાવ્યું હતું આરોપી પ્રેમજાળમાં ફસાવી લલચાવી ફોસલાવી દોઢ માસ પૂર્વે ભગાડી ગયો હતો.બાદમાં તેણે સગીરાને અહીં કારખાનાની ઓરડીમાં રાખી હતી.આ અંગે મેટોડા પોલીસે સ્થાનિક પોલીસને જાણ કરતા પોલીસે આરોપીનો કબજો લઇ કાયદેસરની કાર્યવાહી કરી હતી. આ કામગીરીમાં મેટોડા જીઆઇડીસી પોલીસ મથકના હેડ કોન્સ. યોગીરાજસિંહ જાડેજા, ઉપેન્દ્રસિંહ ગોહિલ, હરેશભાઇ સોરાણી, જસમત માનકોલીયા કોન્સ. લકીરાજસિંહ જાડેજા તથા રવુભાઇ ગીડા, નીતિનભાઇ મકવાણા, શકિતસિંહ જાડેજા સાથે રહ્યા હતાં.