શહેરની મુખ્ય શાક માર્કેટના દરવાજા આડે લારી તેમજ પાથરણા પાથરી શાકબકાલા અને ફ્રૂટનો ધંધો કરતા લોકોએ દરવાજા બંધ કરી દીધા હોવાની લેખિત ફરિયાદ મહાપાલિકાના એસ્ટેટ વિભાગમાં થયાના પગલે આજે મહાપાલિકાના એસ્ટેટ વિભાગ તેમજ દબાણ હટાવ સેલની ટીમ દોડી ગઈ હતી. અને શાકમાર્કેટના દરવાજા આડે થયેલદબાણો દૂર કરી દરવાજા ખુલ્લા કરાવ્યા હતા. ઉપરાંત શાક માર્કેટ તેમજ ફ્રૂટ માર્કેટના મુખ્ય રોડ પરની લારી ધારકોને રોડ પર ટ્રાફિકને અડચણરૂપ દબાણ નહીં કરવા તાકીદ કરી હયી. તો બીજી બાજુ શાક માર્કેટ વિસ્તારમાં લાંબા વિરામ બાદ એસ્ટેટ વિભાગે દેખા દેતા કેટલાક  દબાણકર્તાઓમાં ભાગદોડ મચી હતી.