રાજકોટ ગ્રામ્ય જિલ્લામાં નાસતા ફરતા અને પેરોલ જમ્પ તથા વચગાળાના જામીન પરથી ફરાર આરોપીઓને પકડી પાડવા જિલ્લા પોલીસ વડા હિમકરસિંહની સૂચનાના પગલે એલસીબીના પીઆઈ વી.વી.ઓડેદરાની રાહબરીમાં પેરોલ ફર્લો સ્કોડના પીએસઆઈ આર.બી.બલદાણીયા સહિતનો સ્ટાફ ફરાર આરોપીઓની શોધખોળ માટે ટેક્નિકલ એનાલિસિસ અને હ્યુમન ઇન્ટેલિજન્સની મદદથી વર્કમાં હતા ત્યારે એએસઆઇ નૌસાદભાઈ અને પો.કોન્સ.મહેન્દ્રસિંહ સોલંકીને અંગત બાતમી મળી હતી કે, રાજકોટ મધ્યસ્થ જેલમાં બળાત્કાર અને પોક્સો એક્ટ હેઠળ સજા ભોગવતો પાકા કામનો કેદી શૈલેષ રસિકભાઈ રાઠોડ (રહે-લાઠ, તા.ઉપલેટા) જે જેલમાંથી તા.13-3થી તા.23-3 સુધી 10 દિવસના વચગાળાના કોર્ટમાંથી જામીન મેળવી છૂટ્યો હતો. તા.24-3ના આરોપીને જેલમાં હાજર થવાનું હતું પરંતુ હાજર થવાને બદલે નાસી ગયો હતો. આરોપી ભરૂચના વાલિયામાં હોવાની બાતમીના આધારે પકડી પાડી રાજકોટ મધ્યસ્થ જેલમાં મોકલી કામગીરી કરી હતી.