બોલિવૂડ અભિનેત્રી તાપસી પન્નુ નિર્ભયપણે પોતાનો અભિપ્રાય વ્યક્ત કરવા માટે જાણીતી છે. તાપસી એવા કલાકારોમાંથી એક છે જે અવારનવાર રાજકીય અને સામાજિક ઘટનાઓ અંગે અભિપ્રાય સીશીયલ મેડિયા દ્વારા આપે છે. હવે તાપસીએ પેરિસ ઓલિમ્પિક 2024માં થયેલા એક વિવાદ પર પોતાનો અભિપ્રાય આપ્યો છે. જેના માટે સોશિયલ મીડિયા પર તે ટ્રોલ થઈ રહી છે.

તાપસીએ ઓલિમ્પિક દરમિયાન ચર્ચામાં આવેલી અલ્જેરિયાની બોક્સર ઈમાન ખલીફ અને તેના પર પ્રતિબંધ મૂકવાની માંગને લઈને પોતાનો અભિપ્રાય વ્યક્ત કર્યો છે. ઈમાનને સપોર્ટ કરતી વખતે તાપસીએ તેની ફિલ્મ 'રશ્મિ રોકેટ'નો પણ ઉલ્લેખ કર્યો હતો પરંતુ તાપસીના નિવેદનને કારણે તે હવે યુઝર્સના નિશાના પર આવી ગઈ છે અને ટ્રોલ થઇ રહી છે.

તાપસીએ શું કહ્યું?

તાપસીએ આપેલા ઈન્ટરવ્યુમાં કહ્યું, 'મેં આ વિષય પર એક ફિલ્મ કરી છે. મેં 'રશ્મિ રોકેટ' નામની ફિલ્મ કરી હતી. તે એક મહિલા એથ્લેટ વિશે હતી. જેના પર ટેસ્ટોસ્ટેરોનના ઉચ્ચ સ્તરને કારણે પ્રતિબંધ મૂકવામાં આવ્યો હતો. મેં આવી ભૂમિકા ભજવી હતી અને અમે અમારો અભિપ્રાય વ્યક્ત કર્યો હતો. મને મળેલી ફિલ્મોની એવા મુદ્દાઓ વિશે પણ વાત કરે છે જેમાં હું અંગત રીતે માનું છું, તેના વિશે કોઈ બહાર કોઈ નિવેદન આપ્યા વિના હું ફિલ્મમાં કામ કરું છું.

'રશ્મિ રોકેટ'માં તેના પાત્ર વિશે વાત કરતી વખતે તાપસીએ વિશ્વાસના મુદ્દા પર પોતાનો અભિપ્રાય વ્યક્ત કર્યો. તેણે આગળ કહ્યું, 'મારા હોર્મોન્સ કેવા છે તે મારા નિયંત્રણમાં નથી. એવું નથી કે મેં કોઈ સપ્લિમેન્ટ્સ લીધાં છે, એવું નથી કે મેં કોઈ હૉર્મોન ઈન્જેક્શન લીધાં છે, એવું નથી કે હું આ રીતે જન્મી હતી. ફિલ્મમાં અમારો દૃષ્ટિકોણ એ હતો કે એવા ઘણા એથ્લેટ્સ છે જે અન્ય એથ્લેટ્સ કરતાં બાયોલોજીકલ ફાયદા સાથે જન્મે છે.

આ પછી તાપસીએ યુસૈન બોલ્ટ અને માઈકલ ફેલ્પ્સનું નામ લીધું. જેમણે ઘણા ઓલિમ્પિક મેડલ જીત્યા છે, જેમને તેની શારીરિક રચનાને કારણે અન્ય એથ્લેટ્સની તુલનામાં સ્પર્ધામાં ફાયદો મળ્યો છે. તાપસીએ કહ્યું, 'આ બધા લોકો બાકીના લોકો કરતાં બાયોલોજીકલ ફાયદા સાથે જન્મે છે, તો શા માટે તે બધા પર પ્રતિબંધ નથી, શા માટે ફક્ત તે જ લોકો પર શા માટે છે જેમના ટેસ્ટોસ્ટેરોનનું પ્રમાણ વધારે છે? જો તેણે(ઈમાન) આ સ્પર્ધા માટે ઈન્જેક્શન અથવા હોર્મોન્સ લીધા હોય તો તે ગેરકાયદેસર છે અને તેના માટે તેના પર પ્રતિબંધ મૂકવો જોઈએ પરંતુ એવું નથી, તેથી આ એક એવી વસ્તુ છે જેના પર તેનો કોઈ નિયંત્રણ નથી અને તમે તેના પર પ્રતિબંધ મૂક્યો છે, જ્યારે તે હંમેશા છોકરીની જેમ રહે છે. મેં ફિલ્મમાં આ પાત્ર ભજવ્યું છે.

શું હતો ઈમાન ખલીફનો વિવાદ?

પેરિસ ઓલિમ્પિકમાં મહિલા બોક્સિંગની 66 કિગ્રા વજન વર્ગમાં ગોલ્ડ મેડલ જીતનારી અલ્જેરિયાની બોક્સર ઈમાન ખલિફના જેન્ડરને લઈને ઘણો વિવાદ થયો હતો. તેના વિશે ઘણી ભ્રામક માહિતી પણ ઈન્ટરનેટ પર ફેલાઈ હતી, જેના પછી લોકો તેના પર પ્રતિબંધ મૂકવાની માંગ કરવા લાગ્યા હતા.

ઈમાન ખલીફ સામેની મેચમાં ઈટાલીની બોક્સર એન્જેલા કેરિનીએ 46 સેકન્ડમાં હાર આપી હતી અને મેચ હારી ગઈ હતી. હાર સ્વીકારતા પહેલા એન્જેલા આ લડાઈમાં ખરાબ રીતે ઘાયલ થઈ ગઈ હતી અને તેણે લડવાનું છોડી દીધું હતું. આ પછી ઇમાનના જેન્ડરનો મુદ્દો સમાચાર અને સોશિયલ મીડિયામાં આવ્યો.

2023 વિમેન્સ વર્લ્ડ બોક્સિંગ ચેમ્પિયનશિપમાં, ઈન્ટરનેશનલ બોક્સિંગ એસોસિએશન (IBA) એ ગોલ્ડ મેડલ માટેની લડાઈ પહેલા ઈમાનને ગેરલાયક ઠેરવી હતી. IBA પ્રમુખે નિવેદનમાં કહ્યું હતું કે ઈમાનના DNA ટેસ્ટમાં 'XY ક્રોમોઝોમ્સ' મળી આવ્યા છે. બાયોલોજી મુજબ સ્ત્રીઓમાં XX ક્રોમોઝોમ હોય છે અને પુરુષોમાં XY હોય છે. તેથી જ 'સ્ત્રી' તરીકે જન્મેલી, 'સ્ત્રી'ની જેમ જ મોટી થઈ અને દરેક સત્તાવાર માહિતીમાં ઈમને પોતાને 'સ્ત્રી' ગણાવી હતી.

વિવાદ પછી IBAએ તે કહેવાનો ઇનકાર કર્યો હતો કે તેઓએ કયા પરીક્ષણો કર્યા અને તેમની પરીક્ષણ પદ્ધતિઓ શું હતી. જો કે ઇન્ટરનેશનલ ઓલિમ્પિક કમિટી (IOC) એ 2019માં જ IBA ને સસ્પેન્ડ કરી દીધું હતું અને પેરિસ ઓલિમ્પિકમાં બોક્સિંગ ઇવેન્ટ્સનું સંચાલન કરી રહ્યું હતું અને ઈમાનને તમામ નિયમો અને દિશાનિર્દેશોનું પાલન કરીને ભાગ લેવાની મંજૂરી આપવામાં આવી હતી. બાદમાં IOC એ એક નિવેદન જારી કરીને કહ્યું કે તેને XY રંગસૂત્ર માટે ઇમાનના પરીક્ષણ અંગે જૂન 2023 માં IBA તરફથી એક પત્ર મળ્યો હતો. પરંતુ 'પરીક્ષણનો ખ્યાલ એટલો ખામીયુક્ત છે કે તેનો સ્વીકાર કરવો અશક્ય છે.'

પરંતુ આ આખા વિવાદ પછી સોશિયલ મીડિયા પર ઈમાનના જેન્ડર વિશેની વાત એટલી ખોટી રીતે ફેલાઈ કે ઈમાનના 'ટ્રાન્સજેન્ડર' હોવાની વાત ફેલાઈ ગઇ. ઘણા લોકો એવી ખોટી માહિતીનો શિકાર પણ બન્યા હતા કે સેક્સ ચેન્જ પછી ઈમાન મહિલા બની ગઈ છે. લોકોમાં એવી ચર્ચા શરૂ થઈ કે ઈમાનને 'મહિલા' કેટેગરીમાં બોક્સિંગ કરવાની મંજૂરી ન આપવી જોઈએ અને તેના પર પ્રતિબંધ મૂકવો જોઈએ. ઈમાનની 'જેન્ડર આઈડેન્ટિટી'ના સમર્થનમાં આવેલા લોકોનો પણ એક પક્ષ હતો. જ્યારે IOC એ ટેસ્ટ રિપોર્ટ સ્વીકારવાનો ઈન્કાર કરી દીધો હતો, જેના કારણે ઈમાનના જેન્ડરને લઈને વિવાદ થયો હતો.

તાપસી કેમ ટ્રોલ થઈ રહી છે?

તાપસીનું નિવેદન સોશિયલ મીડિયા પર વાયરલ થયા પછી એક યુઝરે ધ્યાન દોર્યું કે તાપસી ઈમાનના 'હાઈ ટેસ્ટોસ્ટેરોન લેવલ' વિશે વાત કરી રહી છે. જ્યારે વાત ઈમાનના જનીનમાં 'XY રંગસૂત્ર' વિશે છે, 'ટેસ્ટોસ્ટેરોન સ્તર' વિશે નહીં.

ઘણા યુઝર્સે તાપસીને એ હકીકત માટે ટ્રોલ કરી હતી કે તેનું નિવેદન સમગ્ર મામલાના મુદ્દાથી ભટકી ગયંમ છે. જ્યારે ઘણા યુઝર્સે ઈમાનના કેસ સાથે યુસૈન બોલ્ટ અને માઈકલ ફેલ્પ્સની સરખામણી કરવા બદલ તેણીને ટ્રોલ કરવાનું શરૂ કર્યું, ત્યારે એક યુઝરે કટાક્ષ કરતા કહ્યું, 'તો હવે તે ડોક્ટર તાપસી બની ગઈ છે!' ઘણા યુઝર્સ એટલા ગુસ્સે થયા કે તેઓએ કહ્યું કે તાપસી તેની જૂની ફિલ્મ રશ્મિ રોકેટને પ્રમોટ કરવાનો પ્રયાસ કરી રહી છે. એક યુઝરે કહ્યું કે પહેલા આખો મામલો સમજી લો. અહીં શું મુદ્દો છે? જો તમને ખબર ન હોય તો ચૂપ રહો.

બોલીવુડની લોકપ્રિય અભિનેત્રીઓમાંની એક તાપસી તાજેતરમાં નેટફ્લિક્સ ફિલ્મ 'હસીન દિલરૂબા'માં જોવા મળી હતી. આ તેની 2018માં આવેલી ફિલ્મ 'હસીન દિલરૂબા'ની સિક્વલ છે.