અનેક નામી કલાકારો યાદગાર ગીતોની સુરાવલી વહાવશે

ખંભાળિયાની જાણીતી સંસ્થા સુરાવલી સંગીત સંસ્થાના ઉપક્રમે આગામી મંગળવાર તારીખ ૧૩ મીના રોજ "મૌસમ હે આશિકાના" સંગીત સંધ્યાનું આયોજન કરવામાં આવ્યું છે.
અત્રે નગર ગેઈટ પાસે આવેલી શેઠ કાનજી ચતુ ધર્મશાળા ખાતે મંગળવાર તારીખ ૧૩ મીના રોજ રાત્રે ૯:૩૦ વાગ્યે યોજવામાં આવેલા આ ગીત, સંગીતના કાર્યક્રમમાં જામનગરના સુપ્રસિદ્ધ કી-બોર્ડ પ્લેયર અને એન્કર રાજ રાણા સાથે સિંગર મેઘના ગાંગુલી, સન્ની સવાણી, દેવયાની ચક્રવર્તી તેમજ સાઉન્ડ સિસ્ટમના માસ્ટર શૈલેષભાઈ ચાવડા દ્વારા અગાઉના દાયકાઓના સુપ્રસિદ્ધ ફિલ્મી ગીતોથી લોકોને મંત્રમુગ્ધ કરશે. સુરતાલની આ મહેફિલ માટે સુરાવલી સંગીત સંસ્થાના પ્રમુખ ડોક્ટર એચ.એન. પડીયા, કાર્તિકભાઈ બુચ, હરેશભાઈ બારાઈ તથા કાર્યકરો દ્વારા નોંધપાત્ર જહેમત ઉઠાવવામાં આવી રહી છે.