ભાવનગરમાં છેલ્લા ઘણા સમયથી દબાણોનો મુદ્દો ગરમાયો છે ત્યારે સ્ટેન્ડિંગ કમિટીમાં સભ્યો દ્વારા ઇસ્કોન ક્લબ પાછળની જગ્યાની માપણીના મુદ્દે રોષભેર તંત્ર વાહકોને આડે હાથ લીધા હતા અને તે જમીનની માપણી કરાવવા સુચના આપી હતી. અને કુંભારવાડા એસટીપી ના ટેન્ડરમાં બદલાવેલ ટેકનોલોજીની હકીકત જાહેર કરવાનું કાર્ય પરત કર્યું હતું.
મહાપાલિકાની  સ્ટેન્ડિંગ કમિટીમાં સરકાર માંથી પ્રાપ્ત થયેલ ગ્રાન્ડ પૈકી ૧૭. ૩૭ કરોડના પેવિંગ બ્લોક, પેવર રોડ અને આરસીસી સહિતના રોડના કામ મળી કુલ ૧૮. ૮૨ કરોડના વિકાસ કામો મંજૂર કરવામાં આવ્યા હતા. તદુપરાંત કમિટીમાં સભ્યો દ્વારા ઇસ્કોન ક્લબ પાછળની જગ્યાની માપણી બાબતે ચર્ચા કરી હતી. 
જોકે તેમાં ડી.એલ.આર. ટિપ્પણ ન મળ્યું હોવાનું પણ બહાર આવ્યું હતું જેથી ડી.એલ.આર. માંથી ટિપ્પણ મગાવી જમીનની માપણી કરાવવા અધિકારીઓને સૂચના આપી હતી. તદુપરાંત કુંભારવાડા ૩૦ એમએલડી એસટીપી નું નવા ૪૫ એમએલડી એસટીપી માં અપગ્રેડેશન કરવાના કામ માટે ઓનલાઈન ટેન્ડર કરેલ છે જેમાં એસ.બી.આર. ટેકનોલોજીના બદલે ઓપન ટેકનોલોજી કરેલ છે તેની કમિશનર દ્વારા હકીકત જાહેર કરવાનું કાર્ય પરત કરવામાં આવ્યું હતું. તેમજ અધ્યક્ષ સ્થાનેથી આઉટસોર્સની હાલમાં ટેન્ડર પ્રક્રિયા શરૂ છે અને તે કામની મુદત પૂર્ણ થઈ છે ત્યારે વધુમાં વધુ ત્રણ મહિના સુધી અથવા ટેન્ડર પ્રક્રિયા પૂર્ણ થાય ત્યાં સુધી હાલમાં ચાલુ કામ યથાવત રાખવા ઠરાવ કર્યો હતો.