વિધાનસભા ગૃહમાં સરકારે રજૂ કરેલા આંકડાઓએ સૌને ચોંકાવી દીધા છે. કચ્છ જિલ્લામાં નોંધાયેલા બેરોજગારો કરતાં અનેક ગણા વધુ લોકોને નોકરી આપવામાં આવી હોવાનું સરકારે લેખિત જવાબમાં જણાવ્યું છે. કચ્છના ધારાસભ્ય પ્રદ્યુમનસિંહ જાડેજાના નોકરી અને બેરોજગારી અંગેના સવાલના જવાબમાં સરકારે આ માહિતી આપી છે.

સરકારના જણાવ્યા અનુસાર 31 ડિસેમ્બર 2024 સુધીમાં કચ્છમાં 7761 બેરોજગારો નોંધાયેલા છે. જ્યારે છેલ્લા બે વર્ષમાં 44788 બેરોજગારોને રોજગારી મળી છે. આમાં 6287 શિક્ષિત અને 1474 અર્ધશિક્ષિત બેરોજગારો નોંધાયેલા છે. છેલ્લા બે વર્ષમાં 36376 શિક્ષિત અને 8412 અર્ધશિક્ષિત બેરોજગારોને રોજગારી મળી છે.

આ આંકડાઓ દર્શાવે છે કે કચ્છમાં નોંધાયેલા બેરોજગારો કરતાં અનેક ગણા વધુ લોકોને રોજગારી મળી છે. સરકારનો આ જવાબ આશ્ચર્યજનક અને પ્રશંસનીય છે.