દિલ્હી પોલીસ ક્રાઈમ બ્રાન્ચના હવાલાથી નિક્કી યાદવ હત્યા કેસમાં મોટો ખુલાસો થયો છે. નિક્કીની હત્યાનું કાવતરું ઘડવામાં સાહિલ ગેહલોતની સાથે તેનો પરિવાર અને તેના મિત્રો પણ સામેલ હતા. દિલ્હી પોલીસની ક્રાઈમ બ્રાન્ચે સાહિલના પિતા વિરેન્દ્ર સિંહ, ભાઈઓ આશિષ અને નવીન, મિત્રો લોકેશ અને અમરની ધરપકડ કરી છે.પકડાયેલ આરોપી નવીન દિલ્હી પોલીસમાં કોન્સ્ટેબલ છે. દિલ્હી પોલીસના સ્પેશિયલ સીપી રવિન્દર યાદવે આ મામલામાં જણાવ્યું કે, સાહિલના પિતા વીરેન્દ્ર સિંહની ધરપકડ ત્યારે કરવામાં આવી જ્યારે પોલીસને ખબર પડી કે તેમના પુત્રએ કથિત રીતે નિકીની હત્યા કરી છે. તેમની સામે IPC કલમ 120B (ગુનાહિત ષડયંત્ર) હેઠળ કેસ નોંધવામાં આવ્યો છે. આરોપી સાહિલ ગેહલોતના મિત્ર, પિતરાઈ ભાઈ અને ભાઈ સહિત 4 લોકોની ધરપકડ કરવામાં આવી છે.

સ્પેશિયલ સીપી રવિન્દર યાદવના જણાવ્યા અનુસાર, 'લિવ-ઈન રિલેશનશિપમાં રહેલા સાહિલ અને નિક્કીએ ઓક્ટોબર 2020માં નોઈડાના એક આર્ય સમાજ મંદિરમાં લગ્ન કર્યા હતા. સાહિલનો પરિવાર આ લગ્નથી નાખુશ હતો. પોલીસે રિમાન્ડ દરમિયાન સાહિલ અને નિકીના લગ્નનું પ્રમાણપત્ર પણ કબજે કર્યું છે. સાહિલના મિત્ર અને પિતરાઈ ભાઈએ તેને નિક્કીની લાશને ફ્રીજમાં છુપાવવામાં મદદ કરી. સાહિલના પરિવારે ડિસેમ્બર 2022 માં તેના સંબંધ અન્ય જગ્યાએ નક્કી કર્યા અને છોકરીઓથી છુપાવી દીધું કે તેમનો પુત્ર પહેલેથી જ પરિણીત છે. મુખ્ય આરોપી સાહિલે નિક્કીના ફોનમાંથી તમામ ડેટા ડિલીટ કરી દીધો હતો. આરોપી જાણતો હતો કે તેની અને નિક્કી યાદવની ચેટ પોલીસ માટે મોટો પુરાવો છે, તેથી તેણે આવું કર્યું. કારણ કે અગાઉ ઘણી વખત તેઓ વોટ્સએપ પર ઝઘડા કરતા હતા.
​​​​​​​

આ પહેલા હરિયાણાના રહેવાસી 25 વર્ષીય નિક્કી યાદવની હત્યાના આરોપી સાહિલ ગેહલોતે પોલીસને પૂછપરછ દરમિયાન જણાવ્યું હતું કે 9 ફેબ્રુઆરીની રાત્રે નિક્કી તેની સાથે હતી. તેણે 10 ફેબ્રુઆરીના રોજ સવારે 8:30 થી 9:30 વચ્ચે નિગમબોધ ઘાટ પાસે પાર્કિંગમાં તેની હત્યા કરી હતી. દિલ્હી પોલીસની ક્રાઈમ બ્રાન્ચે જણાવ્યું કે નિકીની હત્યા કર્યા બાદ આરોપીએ તેનો ફોન સ્વિચ ઓફ કરીને પોતાની પાસે રાખ્યો અને તેનું સિમ કાઢી લીધું. આરોપી સાહિલ પાસેથી નિક્કી યાદવનો ફોન પણ મળી આવ્યો છે. ક્રાઈમ બ્રાન્ચના સૂત્રોના જણાવ્યા અનુસાર તેને કાશ્મીરી ગેટ પર પણ લઈ જવામાં આવ્યો હતો જ્યાં તેણે કારમાં નિકીની હત્યા કરી હતી. સૂત્રોએ જણાવ્યું કે આ સિવાય પોલીસ સાહિલને નિઝામુદ્દીન અને આનંદ વિહાર રેલ્વે સ્ટેશન લઈ જવાની પણ યોજના બનાવી રહી છે, જ્યાં તે હત્યાની રાત્રે નિક્કીને લઈ ગયો હતો, જેથી હત્યાનો સમગ્ર ક્રમ, ચોક્કસ સ્થળ અને સમય જાણી શકાય.

આ પહેલા બુધવારે સાંજે ક્રાઈમ બ્રાંચની ટીમ નિક્કીના ફ્લેટ પર પહોંચી હતી અને ફ્લેટના સીસીટીવી ડીવીઆરનો કબજો મેળવ્યો હતો કારણ કે તે આ કેસમાં સૌથી મહત્વપૂર્ણ પુરાવા છે. ફ્લેટમાં લાગેલા સીસીટીવી કેમેરાના ફૂટેજમાં આરોપી સાહિલ ગેહલોત અંદર જતો જોવા મળે છે, જે 12 થી 1 વાગ્યાની વચ્ચે આવ્યો હતો અને નિક્કી યાદવને તેની સાથે બહાર લઈ ગયો હતો. ક્રાઈમ બ્રાન્ચની ટીમે ઉત્તમ નગરના પરમપુરીમાં ઘણા રસ્તાઓના સીસીટીવી કેમેરાના ફૂટેજ પણ ચેક કર્યા છે અને તેમને પોતાની કસ્ટડીમાં લીધા છે. પોલીસ ફ્લેટમાં રહેતા કેટલાક લોકોની નિક્કી યાદવ અને આરોપી સાહિલ ગેહલોત વિશે પણ પૂછપરછ કરવામાં આવી છે. અગાઉ બુધવારે, નિકીને હરિયાણાના ઝજ્જરમાં તેના પૈતૃક નિવાસસ્થાન પર અગ્નિસંસ્કાર કરવામાં આવ્યો હતો, જેની કથિત રીતે તેના બોયફ્રેન્ડ દ્વારા મોબાઇલ ફોનના ચાર્જિંગ કેબલથી ગળું દબાવીને હત્યા કરવામાં આવી હતી.