જિલ્લા પંચાયત ભવન રેસકોર્સ રોડ ખાતે નવા નિમર્ણિ પામનાર ભવનની કામગીરીનાં ભાગરૂપે કેમ્પસમાં આવેલ વૃક્ષોને નષ્ટ ન કરતા પયર્વિરણ જાગૃતિનાં ભાગરૂપે આ વૃક્ષોનું આજ કેમ્પસમાં અન્ય જગ્યાએ રીપ્લાન્ટેશન કરવામાં આવ્યું હતું.
જયારે કોઈ બિલ્ડીંગ બનાવવાના હોય કે મોટા પ્રોજેક્ટ હાથ ધરવાના હોય ત્યારે વૃક્ષોનું નિકંદન નીકળી જતું હોય છે. પરંતુ રાજકોટ જિલ્લા પંચાયતે વૃક્ષ શિફ્ટિંગ માટે વન વિભાગનો સંપર્ક સાધીને તેમની પાસેની આધુનિક ટેકનોલોજી, મશીનરી અને ટ્રેઇન્ડ સ્ટાફનો ઉપયોગ કરી તોતિંગ વૃક્ષો શિફ્ટ કરાવ્યા હતા.
જિલ્લા પંચાયતના પદાધિકારીઓના જણાવ્યા મુજબ 25 જેટલા વૃક્ષ આ કેમ્પસમાં છે. તેમાંથી અતિશય મોટા છે તેવા અમુક વૃક્ષોનું શિફ્ટિંગ થઈ શક્યું નથી. પરંતુ બાકીના તમામનું શિફટીંગ કરી દેવાયું છે.
જિલ્લા પંચાયત બિલ્ડીંગના નિમર્ણિના કારણે જેટલા વૃક્ષો ઓછા થશે તેના કરતાં પાંચ ગણા વધુ વૃક્ષ વાવવામાં આવશે તેવી ખાતરી જિલ્લા પંચાયતની સામાન્ય સભામાં પ્રમુખ પ્રવિણાબેન રંગાણીએ આપી હતી અને તે દિશામાં કામગીરી પણ થઈ રહી છે.
આજે આ પ્રસંગે જિલ્લા પંચાયત પ્રમુખ પ્રવિણાબેન રંગાણી, સદસ્ય અર્જુનભાઈ ખાટરીયા, પ્રતિનિધિ રાજાભાઈ ચાવડા, પરેશભાઈ રાદડિયા, નાયબ કાર્યપાલક ઈજનેર નીરવ પટેલ તથા કર્મચારીઓ ઉપસ્થિત રહ્યા હતા.