મહાનગરપાલિકાના એસ્ટેટ વિભાગ અને  દબાણ હટાવ સેલની ટીમ દ્વારા  શહેરના  નવાપરા, ડી. એસ. પી. ઓફીસ સામે રસાલા કેમ્પમાંથી અસ્થાયી પ્રકારના દબાણ દૂર કરી  ફ્રીઝ,  વોશિંગ મશીન,  લારી તથા  કાઉન્ટર જપ્ત કર્યા હતા. તેમજ ટ્રાફીકને અડચણરૂપ પાર્ક કરેલ ૬ વાહનોને લોક મારી રૂ. ૬૦૦૦ નો દંડ સ્થળ પર જ વસૂલ કરાયો હતો. આ ઉપરાંત એસ્ટેટ વિભાગ અને દબાણ હટાવ સેલની ટીમ દ્વારા શહેરના  વડવા વોશિંગ ઘાટ, હેલ્થ સેન્ટરની બાજુમાંથી અસ્થાયી પ્રકારના દબાણ દૂર કરી  લારી,  કાઉન્ટર, પ્લાસ્ટીક ટેબલ,  પ્લાસ્ટીક ખુરશી તેમજ અન્ય સમાન જપ્ત કરાયા હતા. આ ઉપરાંત ગેરકાયદેસર બનાવાયેલા ૨ શેડ હટાવી જગ્યા ખુલ્લી કરાવાઈ હતી.