આલિયા ભટ્ટ અને શર્વરી વાઘની મોસ્ટ અવેટેડ એકશન–થ્રિલર ફિલ્મ 'આલ્ફા' આજે, ૩ જુલાઈ ૨૦૨૬ના રોજ સિનેમાઘરોમાં રિલીઝ થઈ ચૂકી છે. આ યશરાજ ફિલ્મ્સના સ્પાય યુનિવર્સની પ્રથમ મહિલા–કેન્દ્રિત ફિલ્મ છે, જેનું નિર્દેશન શિવ રવૈલે કયુ છે. થિયેટરોમાં રિલીઝ થતાની સાથે જ સોશિયલ મીડિયા પ્લેટફોર્મ એકસ પર ફિલ્મના પબ્લિક રિવ્યૂ આવવાના શરૂ થઈ ગયા છે, જેમાં મિશ્ર પ્રતિસાદ જોવા મળી રહ્યો છે.
ફિલ્મના પ્રમોશન અને ટ્રેલર દરમિયાન આલિયા ભટ્ટને જ મુખ્ય આકર્ષણ તરીકે દર્શાવવામાં આવી હતી, પરંતુ ફિલ્મ જોયા પછી દર્શકોનો અભિપ્રાય તદ્દન બદલાઈ ગયો છે. સોશિયલ મીડિયા પર આલિયા ભટ્ટ કરતાં શર્વરી વાઘના અભિનયના વધુ વખાણ થઈ રહ્યા છે. યુઝર્સનું કહેવું છે કે સ્ક્રીન પર શર્વરીની પરફોર્મન્સ એટલી શાનદાર છે કે તેણે આલિયા ભટ્ટ, બોબી દેઓલ અને અનિલ કપૂર જેવા દિગ્ગજ કલાકારોને પણ પાછળ છોડી દીધા છે. આ સિવાય બોબી દેઓલનો વિલન લુક અને આલિયાના એકશન સીન્સ લોકોને ગમી રહ્યા છે, યારે રિતિક રોશનનો 'મેજર કબીર ધાલીવાલ' તરીકેનો કેમિયો (મેહમાન કલાકારનો રોલ) ચાહકો માટે એક મોટું અને અદભુત સરપ્રાઇઝ સાબિત થયો છે.
જોકે, પાવરફુલ એકશન સીન્સ હોવા છતાં ફિલ્મની નબળી અને સાધારણ વાર્તાએ દર્શકોને ભારે નિરાશ કર્યા છે. સોશિયલ મીડિયા યુઝર્સના મતે, ફિલ્મની વાર્તા એટલી સિમ્પલ અને અનુમાન લગાવી શકાય તેવી  છે કે આગળ શું થવાનું છે તેની અગાઉથી ખબર પડી જાય છે અને તેમાં કોઈ ચોંકાવનારા વળાંકો નથી. કેટલાક યુઝર્સે તો ફિલ્મના નબળા વીએફએકસ  ની પણ ભારે ટીકા કરી છે અને ફિલ્મને બોરિંગ ગણાવીને ૫ માંથી માત્ર ૧ સ્ટાર આપ્યો છે.
ફિલ્મની અસલી વાર્તાની વાત કરીએ તો, તે બે બહાદુર મહિલા સિક્રેટ એજન્ટ અને કિલર (આલિયા અને શર્વરી) ની આસપાસ ફરે છે, જેમને એક ખાસ મિશન માટે હાથ મિલાવવા પડે છે. ફિલ્મમાં આલિયા ભટ્ટના પાત્રનું નામ સીતા છે, જેને બાળપણથી જ તેના પિતા (બોબી દેઓલ) એક ખતરનાક કાતિલ બનવાની ટ્રેનિંગ આપે છે. વાર્તામાં અસલી રોમાંચ ત્યારે આવે છે યારે સીતા પોતાના જ પિતાના નિર્ણયો અને ક્રૂરતા સામે બગાવત કરીને ઊભી થઈ જાય છે. એકંદરે, શર્વરીના દમદાર અભિનય અને એકશન માટે ફિલ્મ ચર્ચામાં છે, પણ તેની નબળી વાર્તા તેને પાછળ ખેંચી રહી છે