ગાંધીનગર ખાતે આવેલ કમિશનર ઓફ હેલ્થ મેડિકલ એન્ડ મેડિકલ એયુકેશન દ્રારા તારીખ ૯ ના રોજ સ્ટાફ નર્સ ની પરીક્ષા લેવામાં આવી હતી. સરકારની જુદી જુદી હોસ્પિટલો, આરોગ્ય કેન્દ્ર વગેરેમાં ખાલી પડેલી નર્સની જગ્યા સ્પર્ધાત્મક પરીક્ષાથી ભરવા માટે આ એકઝામનું આયોજન કરવામાં આવ્યું હતું. પરીક્ષા લેવાયાના બીજા જ દિવસે આ પરીક્ષાની પ્રોવિઝનલ આન્સર કી જાહેર કરીને વેબસાઈટ પર મૂકવામાં આવી છે.
અન્ય સ્પર્ધાત્મક પરીક્ષાઓની માફક આ પરીક્ષા પણ ઓબ્જેકટીવ ટાઈપ કવેશ્ચન પૂછીને લેવામાં આવી હતી. દરેક પ્રશ્નના ચાર વિકલ્પ આપવામાં આવ્યા હતા અને તેમાંથી કોઈ એક વિકલ્પની પસંદગી કરવાની હતી બાજુ બાજુમાં બેઠેલા વિધાર્થીઓ એકબીજાની કોપી ન કરે તે માટે આ પ્રકારની સ્પર્ધાત્મક પરીક્ષાઓમાં સવાલો એક સરખા હોય છે. પરંતુ તેનો ક્રમ બદલાઈ જતો હોય છે, સ્ટાફ નર્સની પરીક્ષામાં પણ આ મુજબ જુદા જુદા પ્રકારના પેપર કાઢવામાં આવ્યા હતા પરંતુ દરેકમાં પ્રશ્નોની ગોઠવણ એવી રીતે હતી કે તેના જવાબો ક્રમાનુસાર એબીસીડી અને સીડીબીએ મુજબ આવતા હતા.
આવું તો ભાગ્ય જ બનતું હોય છે અને ભાગ્ય જ બનતી આવી ઘટના ઇરાદાપૂર્વકની છે કે આમાં કાંઈ ગોટાળા છે ?તેવા સવાલો પૂછાઇ રહ્યા છે.
સ્પર્ધાત્મક પરીક્ષાની પ્રોવિઝનલ આન્સર કી હેલ્થ ડિપાર્ટમેન્ટ ની વેબસાઈટ પર મૂકવામાં આવી છે. જે કોઈ ઉમેદવારને આ અંગે કોઈ રજૂઆત હોય તો તારીખ ૧૨ ના સવારે ૧૦:૩૦ કલાકથી તારીખ ૧૪ ના સાંજના પાંચ વાગ્યા સુધીમાં નિયત નમૂનામાં બમાં કચેરીનો સંપર્ક સાધી રજૂઆત કરવા માટે જણાવ્યું છે