રોડ એક્સિડન્ટની ઘટનાનું પ્રમાણ સતત વધી રહ્યું છે. આજે સાબરકાંઠાના પોશીના નજીક એક ગોઝારો અકસ્માત સર્જાયો છે. જેમાં બે-બાઇક વચ્ચે અકસ્માત થયો હતો. જેમાં 3 યુવકોના ઘટનાસ્થળે જ કમકમાટીભર્યા મોત નીપજ્યા હતા, જ્યારે 1 યુવકનું સારવાર દરમિયાન મોત નીપજ્યું છે.

આ અકસ્માત સાબરકાંઠાના પોશીના નજીક લાંબડીયા રોડ પર નવા મોટા ગામ પાસે સર્જાયો હતો. જેમાં સ્પોર્ટ્સ બાઇક સામ-સામે ધડાકાભેર ટકરાતા 3 યુવકોના ઘટનાસ્થળે જ મોત નીપજ્યા હતા અને અન્ય 1 યુવકને ગંભીર ઇજા પહોંચતા તેને હોસ્પિટલ ખસેડવામાં આવ્યો હતો. જ્યાં સારવાર દરમિયાન તેનું મોત નીપજતાં આ અકસ્માતમાં 4 યુવકોના મોત થયા છે.

અકસ્માતની ઘટનાની જાણ થતાં જ સ્થાનિક પોલીસ ઘટનાસ્થળે પહોંચી હતી. મૃતકોની લાશને પોસ્ટમોર્ટમ માટે હોસ્પિટલ ખસેડવામાં આવી હતી. અકસ્માતમાં 4 યુવકોએ જીવ ગુમાવતાં પરિવારજનો ભાંગી પડ્યા છે

.