ભારતીય ઓટોમોબાઈલ માર્કેટમાં પ્રદૂષણ મુક્ત અને સસ્તા પરિવહન તરફ એક ઐતિહાસિક પગલું ભરાયું છે. દેશની સૌથી મોટી ટુ-વ્હીલર ઉત્પાદક કંપની હીરો મોટોકોર્પે વિશ્વ પર્યાવરણ દિવસ પહેલાં દેશની સૌપ્રથમ ફ્લેક્સ ફ્યુઅલ (Flex Fuel) થી ચાલતી મોટરસાયકલો બજારમાં ઉતારી દીધી છે.
કંપનીએ તેના બે સૌથી લોકપ્રિય અને ભરોસાપાત્ર મોડલ 'સ્પ્લેન્ડર પ્લસ' અને 'એચએફ ડિલક્સ' ને નવા અવતારમાં લોન્ચ કર્યા છે, જે હવે પેટ્રોલ વિના ફક્ત એથનોલ મિશ્રણ પર પણ સરળતાથી દોડી શકશે.આ નવી ઇકો-ફ્રેન્ડલી બાઇક્સના ફીચર્સ, કિંમતો અને ઉપલબ્ધતાની સંપૂર્ણ વિગત નીચે મુજબ છે
શું છે આ ફ્લેક્સ ફ્યુઅલ ટેકનોલોજી?
સામાન્ય બાઇક્સ અત્યારે મહત્તમ ૨૦% એથનોલ મિશ્રિત પેટ્રોલ (E20) પર ચાલે છે. જ્યારે હીરોની આ નવી બાઇક્સ સ્પેશિયલ એન્જિન સાથે આવે છે જે ૮૫% એથનોલ અને ૧૫% પેટ્રોલના મિશ્રણ પર પણ સામાન્ય મોટરસાયકલની જેમ જ શ્રેષ્ઠ પરફોર્મન્સ આપશે. એથનોલ સામાન્ય પેટ્રોલ કરતાં ઘણું સસ્તું હોવાથી ગ્રાહકોના ખિસ્સાનો બોજ ઘણો ઓછો થઈ જશે.
કિંમત અને વેચાણનું ટાઈમલાઈનકંપની દ્વારા દિલ્હી એક્સ-શોરૂમ કિંમતો જાહેર કરવામાં આવી છે, જે ગ્રાહકો માટે ખૂબ જ આકર્ષક રાખવામાં આવી છે
Hero HF Deluxe (Flex Fuel):- રૂ. ૭૨,૭૯૨ (એક્સ-શોરૂમ, દિલ્હી)
Hero Splendor Plus (Flex Fuel):-રૂ. ૮૨,૭૧૦ (એક્સ-શોરૂમ, દિલ્હી)ક્યારથી શરૂ થશે વેચાણ? આ બાઇક્સનું સત્તાવાર વેચાણ જુલાઈ ૨૦૨૬ થી દિલ્હી અને મહારાષ્ટ્રના કેટલાક પસંદગીના વિસ્તારોમાં પ્રાયોગિક ધોરણે શરૂ કરાશે, ત્યારબાદ ટૂંક સમયમાં જ તેને સમગ્ર દેશમાં લોન્ચ કરી દેવામાં આવશે.
પર્યાવરણની સુરક્ષા અને દેશનો મોટો ગોલકેન્દ્રીય મંત્રી નીતિન ગડકરી અને હરદીપ સિંહ પુરીની ઉપસ્થિતિમાં આ ભવ્ય લોન્ચિંગ કરવામાં આવ્યું હતું. હીરો જણાવ્યા મુજબ, આ બાઇક્સ રોજના પ્રવાસ દરમિયાન કાર્બન ઉત્સર્જન (ધુમાડો) અને પર્યાવરણને થતા નુકસાનને મોટા પ્રમાણમાં અટકાવશે. ભારત સરકારના ૨૦૩૦ સુધીમાં કાર્બનની તીવ્રતાને ૪૫ ટકા સુધી ઘટાડવાના રાષ્ટ્રીય લક્ષ્યને પૂરું કરવામાં આ ટેકનોલોજી ગેમ ચેન્જર સાબિત થશે.