હાલાર રાજપૂત સમાજના નવા હોદ્દેદારોની વરણી કરવામાં આવી છે. જેમાં ખંભાળિયાના સહકારી આગેવાન અને રાજપૂત અગ્રણી પ્રતાપસિંહ એસ. જાડેજા પ્રમુખપદે નિમાયા છે, જ્યારે ઉપપ્રમુખપદે નવલસિંહ પી. જાડેજા, સેક્રેટરી તરીકે ગીરુભા માનભા જાડેજા અને જો. સેક્રેટરીપદે પ્રવિણસિંહ કે. જાડેજાની વરણી કરવામાં આવી છે. આ વરણીને પૂર્વ મંત્રી અને રાજપૂત સમાજના અગ્રણી હકુભા જાડેજા તથા અન્ય રાજપૂત અગ્રણીઓએ આવકારી છે. પી.એસ. જાડેજા અગાઉ પણ જામનગર અને દ્વારકા રાજપૂત સમાજના પ્રમુખપદે રહી ચૂક્યા છે. હાલ તેઓ ડિ.કો. બેંકના ચૅરમેન સહિતના અનેક હોદ્દા ઉપર કામ કરી રહ્યાં છે.