મૂળ રીબડાના અને રાજકોટ રહેતા ખેડૂત વિપુલ વલ્લભભાઈ વણપરીયા નામના પટેલને ખંડણીની ધમકી આપવામાં આવી છે. પોતાના ગામના જ મૂકેશ બચુભાઈ દોંગા નામના પટેલ શખ્સે ધમકી આપી રૂપિયા 7 લાખની ખંડણી માંગી છે. રીબડા ગામમાં કોઈ પણ ખેડૂત જમીન વહેંચે તો તેમને ખંડણી આપવી પડશેનો પણ ફરિયાદમાં ઉલ્લેખ કરાયો છે. 

ખેડૂત દ્વારા ખંડણી નહી આપવામાં આવે તો જાનથી મારી નાખવાની ધમકી આપવામાં આવતા ખેડૂત પરિવાર ભયભીત બની ગયો છે. ખેડૂતે વારસાઈ જમીનના વહેંચાણમાં ખંડણીની ધમકી મળતા પોલીસ ફરિયાદ નોંધાવી છે. ઈન્ડસ્ટ્રીયલ ઝોન તરીકે વિકસતા અને રાજકીય વિવાદમાં ગાજી ઉઠતા રીબડાના પટેલ ખેડૂતને ધમકી મળતા ચકચાર મચી છે. ખંડણી માંગનાર પટેલ શખ્સને તાત્કાલિક પોલીસ ઝડપી પાડીને કડક કાર્યવાહી કરવામાં આવે તેવી ભોગ બનનાર ખેડૂતની માંગ છે.