એક જાણીતા ઓટીટી પ્લેટફોર્મે 'પુષ્પા 2'ના ડિજિટલ રાઇટ્સ ખૂબ જ મોંઘા ભાવે ખરીદ્યા છે અને આ રીતે ફિલ્મે રીલીઝ થયા પહેલા જ તગડી કમાણી કરી લીધી છે.

અલ્લુ અર્જનની 'પુષ્પા 2'ની લોકો આતુરતાથી રાહ જોઈ રહ્યા છે. કદાચ આ જ કારણ છે કે માર્કેટમાં આ ફિલ્મની ડિમાન્ડ દિવસેને દિવસે વધી રહી છે. થોડા દિવસો પહેલા સમાચાર આવ્યા હતા કે રવિના ટંડનના પતિ અનિલ થડાનીએ 'પુષ્પા 2'ના મેકર્સ સાથે 200 કરોડ રૂપિયાની ડીલ કરી છે. હવે સમાચાર આવી રહ્યા છે કે ઓટીટી પ્લેટફોર્મે 'પુષ્પા 2'ના ડિજિટલ રાઇટ્સ ખૂબ જ મોંઘા ભાવે ખરીદ્યા છે. 

અહેવાલ મુજબ, અનિલ થડાનીએ 'પુષ્પા 2'ને ઉત્તર ભારતના થિયેટરોમાં લઈ જવાની જવાબદારી લીધી છે. અનિલ થડાનીએ 200 કરોડ રૂપિયામાં 'પુષ્પા-2'ના વિતરણ અધિકારો ખરીદ્યા છે. હવે નેટફ્લિક્સે રૂ. 250 કરોડની મૂળ કિંમતે 'પુષ્પા 2'ના ડિજિટલ અધિકારો લીધા છે. કહેવામાં આવી રહ્યું છે કે આ બેઝ પ્રાઈસ વધારીને 300 કરોડ રૂપિયા થઈ શકે છે. એટલે કે 500 કરોડના બજેટમાં બનેલી 'પુષ્પા 2'એ રિલીઝ પહેલા જ 450-500 કરોડ રૂપિયાની કમાણી કરી લીધી છે.

કેજીએફ-2 રેકોર્ડ તોડી શક્યા નથી

‘પુષ્પા 2’ ‘કેજીએફ-2’નો રેકોર્ડ તોડી શકી નથી. રિપોર્ટ અનુસાર એમેઝોન પ્રાઇમ વીડિયોએ 'કેજીએફ-2'ના ડિજિટલ રાઇટ્સ 320 કરોડ રૂપિયામાં ખરીદ્યા હતા. જ્યારે નેટફ્લિક્સે શાહરૂખ ખાનની 'જવાન'ના રાઇટ્સ 250 કરોડ રૂપિયામાં લીધા હતા.