રાજકોટ મહાનગરપાલિકાની ટેક્સ બ્રાન્ચને આજે વધુ શો મિલકત સીલ કરીને 85 લાખ વસૂલ્યા હતા. મિલકત વેરાની વાર્ષિક વસૂલાતનો 410 કરોડનો ટાર્ગેટ પૂર્ણ કરવામાં હવે 7 કરોડનું છેટુ રહ્યું છે આજે બપોરની સ્થિતિએ વેરાની કુલ વાર્ષિક આવક 403 કરોડએ પહોંચી છે.

વિશેષમાં રાજકોટ મહાનગરપાલિકાની ટેક્સ બ્રાન્ચ ના અધિકારી સૂત્રોએ આજની રિકવરી ડ્રાઇવની વિગતો જાહેર કરતા જણાવ્યું હતું કે, વોર્ડ નં-૭માં ગોંડલ રોડ પર આવેલ ગૌતમ કોમર્શીયલ સેન્ટરમાં ઓફિસ નં-૧૧૬ ને સીલ, ગોંડલ રોડ પર આવેલ ચંદન વિલા બિલ્ડીંગના ગ્રાઉન્ડ ફલોર શોપ નં-૧૪ સીલ, ગોંડલ રોડ પર આવેલ જીમ્મી ટાવર ફિફથ ફલોર ઓફિસ નં-૨૮ સીલ, ગોંડલ રોડ પર આવેલ ૧-યુનિટને સીલ, વોર્ડ નં-૧૮માં હરી ધવા રોડ પર આવેલ ૧-યુનિટની નોટિસ સામે રીકવરી રૂ.૭૨,૭૨૦, કોઠારીયા રીંગ રોડ પર આવેલ રામનગરમ -૧માં ૧-યુનિટને સીલ, કોઠારીયા રોડ પર આવેલ અન્ય ૧-યુનિટને સીલ આ મુજબ કુલ છ મિલકતો સીલ કરાઇ હતી.