કોંગ્રેસ નેતા પ્રિયંકા ગાંધી વાડ્રા પહેલીવાર વાયનાડથી લોકસભા પેટાચૂંટણી લડશે. રામ્યા હરિદાસ ચેલક્કારાથી અને રાહુલ મામકુથિલ પલક્કડ વિધાનસભા મતવિસ્તારમાંથી ચૂંટણી લડશે. કોંગ્રેસ નેતા રાહુલ ગાંધીના રાજીનામા બાદ આ સીટ ખાલી પડી હતી. પલક્કડ અને ચેલાકારા વિધાનસભા સીટ પર 13 નવેમ્બરે પેટાચૂંટણી યોજાશે. કોંગ્રેસ પહેલા જ પ્રિયંકાને વાયનાડના ઉમેદવાર તરીકે જાહેર કરી ચૂકી છે.

કોંગ્રેસના નેતા રાહુલ ગાંધી દ્વારા ખાલી કરાયેલ વાયનાડ લોકસભા બેઠક અને કોંગ્રેસના શફી પરંબિલ અને કે રાધાકૃષ્ણન લોકસભામાં ચૂંટાયા બાદ ખાલી કરાયેલી પલક્કડ અને ચેલાકારા વિધાનસભા બેઠકો પર પેટાચૂંટણી 13 નવેમ્બરે યોજાશે.

વર્ષ 2024માં રાહુલ ગાંધીએ વાયનાડ લોકસભા સીટ પર 3 લાખ 64 હજાર મતોથી જીત મેળવી હતી, જ્યારે 2019માં રાહુલ ગાંધીએ આ જ સીટ પર રેકોર્ડ 4 લાખ 31 હજાર 770 મતોથી જીત મેળવી હતી.