ધોરાજીની યુવતીના ઇન્સ્ટાગ્રામથી સંપર્કમાં આવેલો યુવક વાતચીત કર્યા બાદ ધરાર સબંધ રાખવા માટે દબાણ કરી સબંધ નહીં રાખે તો મરી જવાની ધમકી આપતા કંટાળેલી યુવતીએ અમદાવાદના ધરારપ્રેમી સામે ધોરાજી પોલીસમાં ફરિયાદ નોંધાવી છે.

પોલીસ સૂત્રોમાં નોંધાયેલી વિગત મુજબ ધોરાજીમાં રહેતી 19 વર્ષીય યુવતીને તેના ઇન્સ્ટા આઈડીમાં અંકિત સોલંકી નામના યુવકની ફ્રેન્ડરિકવેસ્ટ આવતા એક્સેપ્ટ કરી હતી. દરમિયાન બંને વચ્ચે મિત્રભાવે વાતચીત થતા બાદ યુવતીએ યુવકને વાતચીત કરવાની ના પાડી મેસેજ ન કરવા માટેનું કહેતા યુવક જુદા જુદા ઇન્સ્ટા અને સ્નેપચેટ એકાઉન્ટ બનાવી યુવતીને ધરાર ફ્રેન્ડશીપ રાખવાનું કહી દબાણ કરતો હોય અને જો આમ નહીં કરે તો પોતે મરી જશે તેવી ધમકી આપતો હોય યુવકના ત્રાસથી કંટાળી પોલીસમાં ફરિયાદ નોંધાવતા ધોરાજી પોલીસે અમદાવાદ રહેતા અંકિત સોલંકી સામે ગુનો નોંધી આગળની કાર્યવાહી હાથ ધરી છે.