'કલ્કિ 2898 એડી' બાદ નવી ફિલ્મથી ધૂમ મચાવવા આવી રહ્યો છે અભિનેતા
પ્રભાસની આગામી ફિલ્મ 'ધ રાજા સાબ' ની ટીમે ડાયરેક્ટર મારુતિના જન્મદિવસ પર સેટ સાથે સંબંધિત એક ખાસ વીડિયો શેયર કર્યો છે, જેમાં પ્રભાસ ખૂબ જ અદભૂત લુકમાં જોવા મળી રહ્યો છે. અભિનેતાનો આ લુક તેના ચાહકોમાં ઘણો વાયરલ થઈ રહ્યો છે.
પ્રભાસે પોતાની નવી ફિલ્મ 'કલ્કિ 2898 એડી'થી ધૂમ મચાવી છે. તેની આ ફિલ્મી બોક્સ ઓફિસ પર ઇતિહાસ રચ્યો હતો. હવે ફરી એક વાર લોકોનું દિલ જીતવા આવી રહી છે પ્રભાસની નવી હોરર કોમેડી ફિલ્મ 'ધ રાજા સાબ'.જેમાંથી પ્રભાસનો લુક ખૂબ વાયરલ થઈ રહ્યો છે.
પોતાની નવીનતમ ફિલ્મની 1100 કરોડ રૂપિયાથી વધારેની કમાણી બાદ હવે પ્રભાસને રાજા સાબથી પણ ખબ આશા હશે. તેમાં ફેન્સ પણ આતુરતાથી રાહ જોઈ રહ્યા છે, એવા ફિલ્મના ડાયરેક્ટરના જન્મદિવસે ટીમ દ્વારા શેયર કરેલા વિડીયોમાં પ્રભાસની એક ઝલક દેખાઈ રહી છે. આ વિડિયોમાં પ્રભાસ ખૂબ સ્માર્ટ અને ડેશીંગ દેખાઈ રહ્યો છે. તેમની આ ઝળક્ને સોશિયલ મીડિયા પર ફેન્સ ખૂબ પસંદ કરી રહ્યા છે.
પ્રભાસના ફેન્સ તેને ખૂબ વધારે પસંદ કરી રહ્યા છે. એવામાં પોતાના ફેવરિટ સ્ટારને સારી રીતે બતાવવા માટે ફેન્સ મારુતિના ખૂબ વખાણ કરી રહ્યા છે. અત્યારે હોરર કોમેડીનો ટ્રેન્ડ ચાલી રહ્યો છે. તાજેતરમાં રિલીઝ થયેલી હોરર કોમેડી 'સ્ત્રી 2' એ મોટી કમાણી કરી છે. જો મારુતિની આ ફિલ્મ પણ દર્શકોનું દિલ જીતવામાં સફળ થશે તો પ્રભાસ ફરીથી બોક્સ ઓફિસ પર જોવા મળશે. ફિલ્મમાં પ્રભાસ ઉપરાંત માલવિકા મોહનન અને નિધિ અગ્રવાલ પણ જોવા મળશે. રાજા સાબનું નિર્માણ ટીજી વિશ્વ પ્રસાદની પીપલ મીડિયા ફેક્ટરી હેઠળ કરવામાં આવી રહ્યું છે.

પ્રભાસની આગામી ફિલ્મો
પ્રભાસની આગામી ફિલ્મોની વાત કરીએ તો 'ધ રાજા સાબ' સિવાય તે સંદીપ રેડ્ડી વાંગા નિર્દેશીત 'સ્પિરિટ' માં પણ જોવા મળશે. હાલ તો ફિલ્મ, પ્રિ-પ્રોડક્શનમાં છે, જેમાં તે એક પોલીસ ઓફિસરના પાત્રમાં જોવા મળશે. આ સિવાય પણ તે પ્રશાંત નીલની 'સાલાર 2' માં જોવા મળશે. આ સિવાય તે ડાયરેક્ટર હનુ રઘવપૂરી સાથે પણ એક ફિલ્મ કરશે, જેની સ્ટોરી પર કામ ચાલુ છે.