પોલીસનું નામ આવતાની સાથે જ મનમાં એક રફ એન્ડ ટફ છબી ઉભરી આવે છે. જે વ્યક્તિ બહાદુર છે, કોઈથી ડરતો નથી અને જે પોતાના દેખાવ કરતાં પોતાની વરદીને વધુ પ્રેમ કરે છે. આ બાબતો દરેક દેશની પોલીસને લાગુ પડે છે પરંતુ એક દેશ એવો છે જે તેના અધિકારીઓના બહાદુર હોવાની સાથે સારા દેખાવા પર પણ ભાર મૂકે છે. એટલા માટે તે તેમને શીખવી રહ્યા છે કે કેવી રીતે તેમની આઈબ્રો સેટ કરવી અને પ્રાઈમરનો ઉપયોગ કેવી રીતે કરવો.

અત્યાર સુધી પોલીસને તેમની બહાદુરી અને હિંમત માટે જાણતા હશો પરંતુ હવે તેમને સુંદર દેખાવાનું પણ શીખવવામાં આવી રહ્યું છે. જાપાનમાં, પોલીસ અધિકારીઓને ખાસ મેકઅપ ક્લાસ આપવામાં આવી રહ્યા છે જેથી તેઓ મેકઅપ કેવી રીતે કરવો તે શીખી પણ શકે. અહેવાલ મુજબ, જાપાનમાં અનેક અલગ અલગ પોલીસ એકેડેમીમાં કેડેટ્સને મેકઅપ કોર્ષ ઓફર કરવામાં આવી રહ્યા છે.

સાંભળવામાં ભલે વિચિત્ર લાગે પણ જાપાનના ફુકુશિમામાં ફુકુશિમાકેન કીસાત્સુગાક્કો પોલીસ એકેડેમીમાં કેડેટ્સ માટે મેકઅપ કોર્સનું આયોજન કરવામાં આવી રહ્યું છે. પુરુષો સહિત કુલ 60 કેડેટ્સને તેમની સ્કિન કેર અને સુંદર દેખાવાનું શીખવવામાં આવી રહ્યું છે. પોલીસ એકેડેમીના એક અધિકારીએ કહ્યું કે અમે તેમને સારા દેખાવાનું મહત્વ પણ શીખવવા માંગીએ છીએ. આ પ્રોફેશનલાઝીમનુ એક સ્ટાન્ડર્ડ છે અને તેથી જ તેમને માત્ર મેકઅપ ગાઈડન્સ નથીઆપવામાં આવી રહ્યું પરંતુ તેમને પર્સનલાઈઝ્ડ ગાઈડન્સ પણ આપવામાં આવી રહ્યું છે.

આ કોર્ષ હેઠળ તેમને ત્વચાને હાઇડ્રેટેડ રાખવા, પ્રાઈમર લગાવવા અને આઈબ્રો સેટ કરવાનું પણ શીખવવામાં આવી રહ્યું છે. ગ્રુમિંગ સ્કીલની સાથે તેમને વાળ કેવી રીતે સ્ટાઇલ કરવા તે પણ શીખવવામાં આવી રહ્યું છે. ઘણા પુરુષ ઉમેદવારોએ કહ્યું કે તેમણે પહેલાં ક્યારેય મેકઅપ નથી કર્યો, તેથી તેઓ સૌંદર્ય પ્રસાધનોનો ઉપયોગ કેવી રીતે કરવો તે નથી જાણતા. જ્યારે આ સમાચાર સોશિયલ મીડિયા પર પહોંચ્યા, ત્યારે લોકોએ રમુજી કૉમેન્ટ્સ કરી. એક યુઝરે લખ્યું: હવે પોલીસ ગુનેગારોની આંખોમાં લૂઝ પાવડર ફેંકશે.