જાણવા મળતી વિગતો મુબજ, ગોંડલ સીટી પોલીસ મથકના પીઆઈ દ્વારા સ્ટાફને સુચના આપેલ કે, સોશીયલ મીડીયામા બે શખસ જાહેરમાં પોતાની કાર વાહન ટ્રાફિકમાં અડચણરૂપ થાય તે રીતે રોડ ઉપર માનવ જીંદગી જોખમાય તે રીતે ભયજનક રીતે ચલાવે છે. જે શખસોને શોધી કાઢવાની આપેલ સૂચનાથી વિડીયોમાં દેખાતા શખ્સોની તપાસ કરી બંનેની અટક કરી પોલીસ મથકે લાવી નામ પૂછતાં પોતાનુ નામ શૈલેશ જેસા ગોજીયા (ઉવ-૨૧, રહે. ટેભડા ગામ, લાલપુર) અને સાથેના શખ્સે પોતાનું નામ ભવ્યાંશુ કિશોર રાઠોડ (ઉ.વ.૨૪, રહે.અનીડા ભાલોડી ગામ, ગોંડલ) હોવાનું જણાવ્યું હતું.પોલીસે તેની સ્કોડા કાર નં.GJ-11-AB-3645 કબ્જે કરી બંને શખ્સોને કાયદાનું ભાન કરાવી ઘટનાસ્થળે લઈ જઈ રિકન્ટ્રક્શન પણ કરાવ્યું હતું.ઉલ્લેખનીય છે કે, બે દિવસ પહેલા સોશિયલ મીડિયામાં એક વિડીયો વાયરલ થયો હતો જેમાં એક કારમાં બે શખ્સો સ્કૂલે જતી વિદ્યાર્થીનિઓનો પીછો કરી પાછળથી વિડીયો ઉતારી પજવણી કરી રોમિયોગીરી કરતાં હતાં.