આવનારા મહિનાઓમાં મોંઘા તેલમાંથી મળી શકે છે રાહત હાલમાં ઈરાન સરહદે સર્જાયેલા ભૌગોલિક રાજકીય તણાવને કારણે દુનિયાના સૌથી વ્યસ્ત સમુદ્રી માર્ગ 'સ્ટ્રેટ ઓફ હોર્મુઝ' પરથી થતો તેલનો સપ્લાય પ્રભાવિત થયો છે. આ સંઘર્ષ શરૂ થયો તે પહેલાં વિશ્વના કુલ ઊર્જા પરિવહનનો આશરે પાંચમો ભાગ આ જ સંકુચિત જળમાર્ગ પરથી પસાર થતો હતો, જેના લીધે વૈશ્વિક બજારમાં તેલના ભાવ આસમાને પહોંચ્યા છે. આ સ્થિતિ વચ્ચે કેન્દ્રીય પેટ્રોલિયમ અને કુદરતી ગેસ મંત્રી હરદેશ સિંહ પુરીએ ભારતીય ગ્રાહકોને આશ્વાસન આપતા જણાવ્યું છે કે, કાચા તેલના આ વધેલા ભાવો બહુ લાંબા સમય સુધી વર્તમાન ઊંચા સ્તરે ટકી રહેશે નહીં. તેમણે ભરોસો વ્યક્ત કર્યો છે કે આગામી મહિનાઓમાં ક્રૂડ ઓઈલની કિંમતોમાં ઘટાડો જોવા મળી શકે છે, જે સામાન્ય જનતાને મોટી રાહત આપશે.

હરિત ઊર્જા તરફ ભારતનું ઐતિહાસિક પગલું

ઇંધણ ક્ષેત્રે સ્વનિર્ભરતા મેળવવા અને પર્યાવરણ સુરક્ષાને પ્રોત્સાહન આપવાના હેતુથી સરકારે દેશના ઈથેનોલ બ્લેન્ડિંગ પ્રોગ્રામ હેઠળ સત્તાવાર રીતે નવું 'E85' ઇંધણ લોન્ચ કર્યું છે. આ નવીન પ્રયોગો વચ્ચે પણ દેશમાં પેટ્રોલ અને ડીઝલના દરો મોટાભાગે સ્થિર રાખવામાં આવ્યા છે. માત્ર મુંબઈ અને ચેન્નઈ જેવા મહાનગરોમાં સ્થાનિક વેટના કારણે પ્રતિ લીટર અનુક્રમે માત્ર 3 પૈસા અને 4 પૈસાનો નજીવો મામૂલી વધારો નોંધાયો છે, જ્યારે હૈદરાબાદમાં પેટ્રોલની કિંમત દેશમાં સૌથી વધુ 115.72 રૂપિયા પ્રતિ લીટર પર સ્થિર છે.મુખ્ય શહેરોમાં પેટ્રોલ અને ડીઝલના આજના સત્તાવાર ભાવદેશના અલગ-અલગ રાજ્યોમાં સ્થાનિક કરવેરા અને ટ્રાન્સપોર્ટેશનના ખર્ચના કારણે કિંમતોમાં તફાવત જોવા મળે છે. હાલમાં પ્રમુખ શહેરોમાં પ્રતિ લીટર સત્તાવાર ભાવ નીચે મુજબ નિર્ધારિત થયેલા છે

દિલ્હી: પેટ્રોલ 102.12 રૂપિયા | ડીઝલ 95.20 રૂપિયા
ઈડા: પેટ્રોલ 102.12 રૂપિયા | ડીઝલ 95.56 રૂપિયા
ગુરૂગ્રામ: પેટ્રોલ 103.32 રૂપિયા | ડીઝલ 95.51  રૂપિયા
મુંબઈ: પેટ્રોલ 111.21 રૂપિયા | ડીઝલ 97.83 રૂપિયા
પુણે:  પેટ્રોલ 111.52 રૂપિયા | ડીઝલ 98.15 રૂપિયા
કોલકાતા: પેટ્રોલ 113.51 રૂપિયા | ડીઝલ 99.82 રૂપિયા
પટના: પેટ્રોલ 113.35 રૂપિયા | ડીઝલ 99.36 રૂપિયા