પાકિસ્તાને બનાવેલા પરમાણુ બોમ્બની સુરક્ષા જોખમમાં આવી પડી છે.તો બીજી તરફ પાકિસ્તાને જાહેર કર્યું છે કે જો કોઈ ખતરો સર્જાશે તો તે પરમાણુ બોમ્બનો ઉપયોગ કરી શકે છે. નિષ્ણાંતોએ સેટેલાઇટ તસવીરોના આધારે ચેતવણી આપી છે કે પાકિસ્તાન પરમાણુ હથિયારોના બંકરો અને તેના સિલોઝને ઝડપથી મજબૂત કરી રહ્યું છે.પાકિસ્તાન વિશ્વનું પહેલું મુસ્લિમ રાષ્ટ્ર છે જેણે 1998માં પરમાણુ બોમ્બનું પરીક્ષણ કરીને દુનિયાને ચોંકાવી દીધી હતી. ત્યારપછી પાકિસ્તાને 170 પરમાણુ બોમ્બ બનાવ્યા છે. વર્ષ 2023માં પરમાણુ બોમ્બની સંખ્યાના સંદર્ભમાં ભારતે પાકિસ્તાનને પાછળ છોડ્યું હોય તેવું પ્રથમ વખત બન્યું છે.

સ્ટોકહોમ સ્થિત સંસ્થાના તાજેતરના અહેવાલ મુજબ, ભારત પાસે 172 પરમાણુ બોમ્બ છે.પાકિસ્તાન તેના પરમાણુ બોમ્બને ઈસ્લામિક પરમાણુ બોમ્બ કહે છે પરંતુ નિષ્ણાતો મુસ્લિમ કટ્ટરપંથીઓને પાકિસ્તાની પરમાણુ બોમ્બ માટે સૌથી મોટો ખતરો માને છે. તેમનું કહેવું છે કે આતંકવાદીઓ પરમાણુ બેઝ પર કબજો કરી શકે છે અને આમાં કોઈ પાકિસ્તાની અધિકારી જ મદદ કરી શકે છે.ભારતીય સેનામાં ભૂતપૂર્વ કર્નલ અને સેટેલાઇટ ઇમેજના નિષ્ણાત વિનાયક ભટ્ટે ટ્વીટ કરીને પાકિસ્તાની પરમાણુ બોમ્બને લઈને અનેક અપડેટ્સ આપ્યા છે. કર્નલ ભટ્ટે કહ્યું કે પાકિસ્તાનની પરમાણુ નીતિ હંમેશા પરમાણુ બોમ્બનો પ્રથમ ઉપયોગ કરવાની રહી છે. જ્યારે ભારત નો ફર્સ્ટ યુઝની નીતિમાં માને છે તાજેતરમાં જ પાકિસ્તાની સેનાના એક વરિષ્ઠ અધિકારીએ પણ ખુલ્લેઆમ કહ્યું હતું કે અમારી પાસે પ્રથમ ઉપયોગની કોઈ નીતિ નથી. પાકિસ્તાની પરમાણુ વૈજ્ઞાનિકો, વ્યૂહરચનાકારો અને વરિષ્ઠ સૈન્ય અધિકારીઓ હંમેશા કહે છે કે જો ભારતીય સેના પીઓકેમાં પ્રવેશ કરશે તો પાકિસ્તાન પહેલા વ્યૂહાત્મક પરમાણુ હથિયારોનો ઉપયોગ કરશે.

કર્નલ ભટ્ટે કહ્યું કે ભારતીય સૈનિકો પર પરમાણુ બોમ્બ ફેંક્યા બાદ પાકિસ્તાન સરકાર દાવો કરશે કે તેણે પોતાના વિસ્તારમાં પરમાણુ બોમ્બનો ઉપયોગ સ્વરક્ષણમાં કર્યો છે. આ સાથે પાકિસ્તાન ભારત પર આંતરરાષ્ટ્રીય દબાણ બનાવી શકશે. અગાઉ 2018માં, પાકિસ્તાની વાયુસેનાએ કરાચીમાં એક હાઇ એલર્ટ બંકર બનાવ્યું હતું જેથી પરમાણુ મિસાઇલને તેમાં રાખી શકાય.નિવૃત્ત કર્નલ ભટ્ટે કહ્યું કે પાકિસ્તાન તેની અબાબીલ મિસાઈલને અપગ્રેડ કરી રહ્યું છે જે એક સાથે અનેક પરમાણુ બોમ્બ લઈ જવા માટે સક્ષમ હોવાનો દાવો કરવામાં આવે છે. પાકિસ્તાન હવે બંકરો અને મિસાઈલ સિલો બનાવી રહ્યું છે જેથી લાંબા અંતરની પરમાણુ હુમલાની મિસાઈલો ભારતમાં તૈનાત કરી શકાય.