લેબનોનમાં હિઝબુલ્લાહના સભ્યોના પેજરમાં વિસ્ફોટ થયો હતો. લેબનોનના પેજર બ્લાસ્ટનું કનેક્શન ભારતમાં જન્મેલા નોર્વેના નાગરિક સાથે હોવાનું સામે આવ્યું છે. કેરળના વાયનાડના આ વ્યક્તિએ નોર્વે જતા પહેલા થોડા સમય માટે ધાર્મિક નેતા બનવાની ટ્રેનિંગ લીધી હતી, હવે તેનું નામ લેબનોનમાં પેજર બ્લાસ્ટમાં સામે આવ્યું છે. વિસ્ફોટોમાં હિઝબુલ્લાહ લડવૈયાઓને નિશાન બનાવવામાં આવ્યા હતા, જેમાં 12 લોકો માયર્િ ગયા હતા અને ઘણા લોકો ઘાયલ થયા હતા.

ત્રણ દિવસ પહેલા કેરળમાં પરિવાર સાથે વાત કરી
રિન્સનના કાકા થનકાચને કહ્યું, ’રિન્સન ત્રણ દિવસ પહેલા તેના પરિવાર સાથે છેલ્લી વાત કરી હતી. ત્યારથી તેઓ તેમનો ફોન પર સંપર્ક કરી શક્યા નથી. અમે શુક્રવારે રિન્સનની પત્નીને ફોન કરવાનો પણ પ્રયાસ કર્યો, પરંતુ કોઈએ જવાબ આપ્યો નહીં. મીડિયામાં તેમના વિશે જે સમાચાર આવી રહ્યા છે તે ચોંકાવનારા છે, કદાચ કોઈએ તેમને આ મામલામાં ફસાવ્યા હશે.

રિન્સન જોસ કેરળના વાયનાડનો વતની
વાયનાડના 37 વર્ષીય રિન્સન જોસ હવે નોર્વેના નાગરિક છે. રિન્સન પર સોફિયા, બલ્ગેરિયા સ્થિત નોટર્િ ગ્લોબલ લિમિટેડ કંપ્નીના માલિક હોવાનો આરોપ છે. આંતરરાષ્ટ્રીય સુરક્ષા એજન્સીઓ આ કંપ્નીની તપાસ કરી રહી છે કારણ કે એવા અહેવાલો છે કે તેણે સેંકડો પેજર વેચ્યા છે. સેન્ટ્રલ ઇન્ટેલિજન્સ એજન્સીઓ અને કેરળ પોલીસની વિશેષ શાખાએ રિન્સન વિશે વાયનાડમાં મનંથાવાડી પાસેના તેના મૂળ ગામ ઓનદયંગડીમાંથી માહિતી એકત્રિત કરી હતી. વાયનાડ જિલ્લા પોલીસ વડા તાપોષ બાસુમાથરીએ જણાવ્યું હતું કે પોલીસે રિન્સનનાઠેકાણાની તપાસ કરી છે. તેમણે કહ્યું કે હવે મીડિયામાં ઓળખ અને પરિવારની માહિતી બહાર આવ્યા બાદ પોલીસે તેમની સુરક્ષા સુનિશ્ચિત કરવા માટે પગલાં લીધાં છે.

હવે કંપની જ ગાયબ
રોઇટર્સે અહેવાલ આપ્યો હતો કે નોટર્નિું બલ્ગેરિયન હેડક્વાર્ટર સોફિયા નજીક એક એપાર્ટમેન્ટ બિલ્ડિંગમાં નોંધાયેલું છે, જે લગભગ 200 અન્ય કંપ્નીઓનું ઘર પણ છે, પરંતુ ત્યાં નોટની કોઈ ચિહ્ન નથી. રોઇટર્સે જણાવ્યું હતું કે ફોન દ્વારા સંપર્ક કરવામાં આવતા રિન્સને પેજર પર ટિપ્પણી કરવાનો ઇનકાર કર્યો હતો અને જ્યારે બલ્ગેરિયન વ્યવસાય વિશે પૂછવામાં આવ્યું ત્યારે તેણે ફોન કાપી નાખ્યો હતો.

નોર્વે જતા પહેલા દરજી તરીકે કામ કરતો
કૌટુંબિક સૂત્રોએ જણાવ્યું કે રિન્સનના પિતાનું નામ મોથેદાથ જોસ અને માતાનું નામ ગ્રેસી છે. અગાઉ તે દરજીનું કામ કરતો હતો. પરંતુ બાદમાં તે તેના જોડિયા ભાઈ સાથે વિદેશ ગયો હતો. તેનો ભાઈ હવે યુકેમાં કામ કરે છે. તેની બહેન આયર્લેન્ડમાં નર્સ છે. તે તેની પત્ની સાથે નોર્વેમાં રહે છે અને છેલ્લે નવેમ્બર 2023માં ઘરે ગયો હતો અને જાન્યુઆરી 2024માં પાછો ગયો હતો.

કંપની પર પેજરના વેચાણમાં મદદ કરવાનો આરોપ
હંગેરિયન મીડિયાએ અહેવાલ આપ્યો છે કે નોટર્િ ગ્લોબલે પેજરના વેચાણમાં મદદ કરી હતી. ફર્મની વેબસાઈટ, જેણે તેને ક્ધસલ્ટિંગ, ટેક્નોલોજી અને પેમેન્ટ ઈન્ટિગ્રેશન, રિક્રુટમેન્ટ અને આઉટસોર્સિંગ પર મજબૂત ફોકસ ધરાવતી એડવાન્સ ટેક્નોલોજી કંપ્ની તરીકે વર્ણવ્યું હતું, તેને હવે દૂર કરવામાં આવી છે. જોકે, બલ્ગેરિયાની સ્ટેટ એજન્સી ફોર નેશનલ સિક્યુરિટીએ જણાવ્યું હતું કે નોટર્િ ગ્લોબલ અને તેના માલિકે માલસામાનના વેચાણ અથવા ખરીદી સાથે સંકળાયેલા કોઈપણ વ્યવહારો કયર્િ નથી. જે ટેરર ફંડિંગના કાયદા હેઠળ આવે છે.

2016 થી નોર્ટો કંપની ચલાવે છે
રિન્સનના પેજ મુજબ, તે લગભગ પાંચ વર્ષથી નોર્વેમાં ઓસ્લો સ્થિત ડીએન મીડિયા ગ્રુપમાં કામ કરી રહ્યો છે અને બહુવિધ બ્રાન્ડ્સ/પ્રકાશનોમાં અગ્રણી ડિજિટલાઇઝેશન, ઓટોમેશન અને વૃદ્ધિમાં સામેલ હતો. 2016 તેઓ નોટર્િ કંપ્ની ચલાવે છે. રિન્સને 2012 થી 2015 દરમિયાન ઓસ્લો મેટ્રોપોલિટન યુનિવર્સિટીમાંથી તેની માસ્ટર ડિગ્રી મેળવી હતી. પ્રોફાઇલમાં એવો પણ દાવો કરવામાં આવ્યો છે કે તે સપ્ટેમ્બર 2012થી એક વર્ષ માટે નોર્વેના ઇન્ટરનેશનલ સ્ટુડન્ટ યુનિયનના સેક્રેટરી જનરલ હતા.

પરિવાર અને પડોશીઓ માનવા તૈયાર નથી
ઓનદયંગડી વિસ્તારના રહેવાસીઓએ જણાવ્યું હતું કે તેઓ રિન્સનને એક પ્રામાણિક વ્યક્તિ તરીકે ઓળખે છે, જ્યારે તેના આઘાતગ્રસ્ત પરિવારના સભ્યોએ કહ્યું કે તેઓને ખાતરી છે કે તેણે કંઈ ખોટું કર્યું નથી. રિન્સનના કાકા થનકાચને જણાવ્યું હતું કે રિન્સન ઓનદયંગડી સ્કૂલમાં અભ્યાસ કર્યો હતો, પછી એક વર્ષ માટે સેમિનરીમાં ગયો હતો અને બાદમાં વાયનાડ અને બેંગલુરુમાં અભ્યાસ ચાલુ રાખ્યો હતો. તેણે બેંગલુરુમાં કોલ સેન્ટરમાં કામ કર્યું હતું અને વધુ અભ્યાસ માટે નોર્વે જતા પહેલા 2010માં પોંડિચેરીમાંથી એમબીએની ડીગ્રી મેળવી હતી. તેણે કહ્યું કે તે રિન્સનને ત્યાં કોઈ કંપ્નીના માલિક હોવાની જાણ નથી. તે એક કંપ્નીમાં કર્મચારી હતો. અત્યારે પણ તેના માતા-પિતા ઘરે ટેલરિંગનું કામ કરે છે.