ખંભાળિયાની જાણીતી સેવા સંસ્થા માનવ સેવા સમિતિના ઉપક્રમે અત્રે જામનગર હાઈ-વે પર આવેલી એલ.પી. બદીયાણી હોસ્પિટલ ખાતે આગામી રવિવાર તારીખ 11 ઓગસ્ટના રોજ સવારે 9 થી 11:30 વાગ્યા સુધી વિનામૂલ્યે નેત્ર નિદાન, સારવાર, દવા વિતરણ તેમજ શસ્ત્રક્રિયા કેમ્પનું આયોજન કરવામાં આવ્યું છે. આ કેમ્પમાં શિવાનંદ મિશન હોસ્પિટલ - વીરનગરના તબીબો તેમજ ટેક્નીશીયનો તેઓની સેવા તેમજ સારવાર આપશે. ઓપરેશનની જરૂરિયાતવાળા દર્દીઓને વિના મૂલ્યે ઓપરેશન કરી અને નેત્રમણી પણ મૂકી આપવામાં આવશે. આ કેમ્પનો લાભ લેવા ખંભાળિયા તથા આસપાસના વિસ્તારના દર્દીઓને સંસ્થા દ્વારા અનુરોધ કરવામાં આવ્યો છે.