ચેટજીપીટીના સર્જક ઓપનએઆઈના સીઈઓ સેમ ઓલ્ટમેન ૫ ફેબ્રુઆરીએ ભારતની મુલાકાતે આવે તેવી શકયતા છે, સૂત્રોએ જણાવ્યું હતું કે, હાઇ–પ્રોફાઇલ સેલીબ્રીટી અને ચેટજીપીટીના સ્થાપક તેમની યાત્રા દરમિયાન ટોચના સરકારી અધિકારીઓને મળે અને ઉધોગ ફાયરસાઇડ ચેટમાં જોડાય તેવી અપેક્ષા છે.બે વર્ષમાં ઓલ્ટમેનની બીજી મુલાકાત છે અને તે એવા રસપ્રદ તબક્કે યોજાઈ રહી છે યારે કૃત્રિમ બુદ્ધિમત્તામાં ઓપનએઆઈના વર્ચસ્વને અચાનક ચીની અપસ્ટાર્ટ ડીપસીક દ્રારા પડકારવામાં આવ્યો છે. ડીપસીકે એપલના એપસ્ટોર પર ટોચના ક્રમાંકિત મફત એપ્લિકેશન તરીકે ચેટજીપીટીને પાછળ છોડી દીધું.
એઆઈ ચિપમેકર અને વોલ સ્ટ્રીટ સુપરસ્ટાર એનવીડીયા એ ગયા સોમવારે બજાર મૂડીકરણમાં યુએસડી ૫૯૦ બિલિયનનું નુકસાન કયુ, જે ઇતિહાસમાં કોઈપણ કંપનીનું સૌથી મોટું એક દિવસીય મૂલ્ય ધોવાણ હતું.સૂત્રોએ જણાવ્યું હતું કે ઓલ્ટમેન તેમની યાત્રા દરમિયાન નવી દિલ્હીમાં ફાયરસાઇડ ચેટમાં હાજર રહેશે અને ઉચ્ચ સરકારી અધિકારીઓને મળશે.
ઓલ્ટમેનની મુલાકાત એવા સમયે થઈ રહી છે કે જયારે ઓપનએઆઈ ભારતમાં કાનૂની અવરોધોનો સામનો કરી રહી છે, જેમાં કોપિરાઇટ ભંગના દાવાઓ સાથે સંકળાયેલા કેસોનો સમાવેશ થાય છે. જોકે, ઓપનએઆઈએ અહેવાલ મુજબ તે ફકત જાહેરમાં ઉપલબ્ધ ડેટાનો ઉપયોગ કરે છે અને દલીલ કરી છે કે ભારતીય અદાલતોને આ બાબતની સુનાવણી કરવાનો કોઈ અધિકારક્ષેત્ર નથી