વિમાન દુર્ઘટના બાદ હવે અમેરિકામાં હેલિકોપ્ટર દુર્ઘટના સર્જાઇ છે. અમેરિકાના ઇડાહોમાં એક હેલિકોપ્ટર થીજી ગયેલા તળાવ પર ક્રેશ થયું. આ અકસ્માતમાં એક વ્યક્તિનું મોત થયું છે અને અન્ય એક ઘાયલ થયો છે. બોનેવિલે કાઉન્ટી શેરિફ ઓફિસે જણાવ્યું હતું કે, પ્રથમ બચાવકર્તા સ્નોમોબાઇલ દ્વારા ઘટનાસ્થળે પહોંચ્યા હતા. અહીં હેલિકોપ્ટરની અંદર બે લોકો મળી આવ્યા હતા. આમાંથી એક વ્યક્તિનું મોત થયું હતું, જ્યારે બીજો ઘાયલ થયો હતો. તેને તાત્કાલિક હોસ્પિટલમાં લઈ જવામાં આવ્યો છે. આશા છે કે તે બચી જશે.

શેરિફ ઓફિસે વધુમાં જણાવ્યું હતું કે, આ વિસ્તાર સુરક્ષિત કરી લેવામાં આવ્યો છે. ફેડરલ એવિએશન એસોસિએશન અને નેશનલ ટ્રાન્સપોર્ટેશન સેફ્ટી બોર્ડને જાણ કરવામાં આવી છે. શેરિફ ઓફિસના જણાવ્યા અનુસાર, આ વિસ્તારમાં એક વીજળીનો તાર તૂટી ગયેલો જોવા મળ્યો હતો. અકસ્માતની તપાસ ચાલી રહી છે.