રાજકોટના હિરાસર એરપોર્ટ નજીક ત્રણ દિવસ પહેલાં કાર અને બાઈક વચ્ચેના અકસ્માતમાં યુવકને ઇજા થતા સારવાર માટે સિવિલ હોસ્પિટલમાં ખસેડવામાં આવ્યા હતા જેનું ગત રોજ મોત નિપજતા પરિવારમાં શોક છવાયો છે. અકસ્માતમાં મૃતકના કાકાને ઇજા થતા તેને સારવાર આપવામાં આવી હતી. આ અકસ્માત જયારે કાકા ભત્રીજો થાનથી રાજકોટ આવતા હતા ત્યારે હિરાસર એરપોર્ટ પાસે પહોંચતા સામેથી આવતી કારનું ટાયર ફાટતા કાર બાઈક સામે અથડાઈ હતી.
બનાવની મળતી વિગત મુજબ રાજકોટમાં શ્રમજીવી સોસાયટી શેરી નં.૩ માં રહેતાં મહેશભાઈ પ્રવીણભાઈ રંગપરા (ઉ.વ.૪૦) અને તેના કાકા અરજણભાઈ રણછોડભાઈ રંગપરા (ઉ.વ.૫૦) બંને કાકા ભત્રીજો બાઈક લઈને રાજકોટ તરફ આવી રહ્યા હતા ત્યારે હિરાસર એરપોર્ટ નજીક સામેથી પૂરપાટ ઝડપે આવતી કારનુ ટાયર એકાએક ફાટતા કાર સીધી કાકા-ભત્રીજાના બાઈક સાથે અથડાતા બને રોડ પર ફંગોળાતા ગંભીર ઇજા થઇ હતી. બનાવના પગલે પસાર થતા વાહન ચાલકો અને આસપાસના લોકો દોડી આવ્યા હતા અને ૧૦૮ મારફતે સિવિલ હોસ્પિટલમાં ખસેડવામાં આવ્યા હતાં. જ્યાં મહેશભાઈએ ગતરોજ સારવાર દરમિયાન દમ તોડી દેતા બનાવ અંગે સિવિલ ચોકીના સ્ટાફે એરપોર્ટ પોલીસને જાણ કરતાં પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી. મૃતક કલરકામ કરતાં હતા અને બે ભાઈ- બે બહેનમાં નાના હતાં. તેમજ સંતાનમાં એક પુત્ર- પુત્રી છે. બંને કાકા ભત્રીજો સુરેન્દ્રનગરના થાનમાં દેવસ્થાનએ દર્શન માટે ગયા હતા અને ત્યાંથી પરત ફરતી વખતે અકસ્માત નડ્યો હતો. બનાવ અંગે પોલીસે કાર ચાલક સામે ગુનો નોંધવા તજવીજ હાથ ધરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોદી સરકાર નક્સલવાદ સામે મોટા ઓપરેશનની કરી રહી છે તૈયારી, અમિત શાહ દિલ્હીમાં બનાવશે માસ્ટર પ્લાન
October 05, 2024 08:16 PMNobel Prize 2024: આવતા અઠવાડિયે નોબેલ પુરસ્કારની થશે જાહેરાત, જાણો કોનું થશે સન્માન...
October 05, 2024 08:15 PMએક સાથે પંદર હોમગાર્ડઝ સભ્યોને ફરજ મોકૂફ અને એક સભ્યને બરતરફ કરતાં જામનગર જિલ્લા હોમગાર્ડઝ કમાન્ડન્ટ
October 05, 2024 06:52 PMCopyright © 2023-2024 Aajkaal Daily
Developed by Rhythm Infotech