મુંબઈ ક્રાઈમ બ્રાન્ચને મોટી સફળતા મળી છે. કુખ્યાત ગેંગસ્ટર પ્રસાદ પૂજારીને ચીનથી ભારત લાવવામાં આવ્યો છે.ચીનમાં છુપાયેલા આ આરોપીને પકડી ને ભારત લાવવાનું કામ ખુબ જ કપરું બની ગયું હતું.20 વર્ષથી તે દેશની પોલીસ ને ચકમો આપીને નાસતો ફરતો હતો. ગેંગસ્ટર પ્રસાદ પૂજારીને ચીનથી ભારત લાવવાનું પોલીસ અને ખુફિયા એજન્સીઓ માટે મુશ્કેલ બની ગયું હતું.પ્રસાદ પૂજારી છેલા ઘણા વર્ષોથી ચીનમાં છુપાયો હતો. એજન્સીઓને પ્રસાદ પૂજારી વિશે એ પણ જાણવા મળ્યું હતું કે તેણે પોતાને વધુ સુરક્ષિત રાખવા માટે એક ચીની મહિલા સાથે લગ્ન કયર્િ હતા.જેથી તેને કોઈ ત્યાંથી કાઢી ન શકે. પ્રસાદ પૂજારીને ચીનની મહિલા સાથે એક બાળક પણ છે જેની ઉંમર લગભગ ચાર વર્ષ છે.
મુંબઈ ક્રાઈમ બ્રાન્ચે 2020માં પૂજારીની માતાની ધરપકડ કરી હતી. તે સમયે પોલીસને માહિતી મળી હતી કે પ્રસાદ પૂજારીના વિઝિટ વિઝાની મુદત પૂરી થઈ ગઈ છે અને તે સમયે તેને ભારત લાવવામાં આવશે તેવી ધારણા હતી.પરંતુ તેમ બન્યું ન હતું અને તે ભાગતો ફરતો હતો.
ગેંગસ્ટર પ્રસાદ 20 વર્ષથી ફરાર હતો અને ઇન્ટરપોલે તેની સામે રેડ કોર્નર નોટિસ પણ બહાર પાડી હતી. પૂજારી વિરુદ્ધ મુંબઈમાં હત્યા અને લોકોને ધમકી આપવાના અનેક આરોપો નોંધવામાં આવ્યા છે. પ્રસાદ પૂજારી મુંબઈ પોલીસ અને ક્રાઈમ બ્રાન્ચથી બચીને ચીન ભાગી ગયો હતો.ત્યારથી તેને ઝડપી લેવા પોલીસ આકાશ પાતાળ એક કરી રહી હતી.