પોરબંદરના નવીબંદર અને માધવપુર ગામેથી પોલીસે અગિયાર જુગારીઓને ૧૦,૩૩૦ની રોકડ સાથે જુગાર રમતા પકડી પાડયા છે.
માધવપુરની સીમમાં દરોડો
માધવપુરની સીમમાં બાબુડી વિસ્તારમાં રાત્રે પોણા બે વાગ્યે કેટલાક જુગારીઓ પત્તા ટીંચતા હતા ત્યારે માધવપુર પોલીસે દરોડો પાડયો હતો જેમાં બાબુડી વિસ્તારના નવ જુગારીઓ હિતેશ નાગજી બામણીયા, દુષ્યંત ગોવિંદ વાજા, અશોક ગોવિંદ બામણીયા, કિરણ પરબત બામણીયા, શાંતિભાઇ વજશી વાજા, મયુર લખુભાઇ ભુવા, ભાવેશ હેમંત બામણીયા, નગીન હીરા બામણીયા અને રામદે ઉર્ફે રામ કરશન બામણીયાને જુગાર રમતા ૨૧,૨૮૦ની રોકડ સાથે પકડી પાડયા હતા. 
નવીબંદરમાં દરોડો
પોરબંદરના નવીબંદર ગામે ખાડીકાંઠે ફીશરીઝ કચેરીની ઓફિસ પાસે બપોરે પોણા ત્રણ વાગ્યે જુગાર રમી રહેલા પોરબંદરના ભાટીયાબજારમાં રહેતા રાજુ પ્રેમજી સલેટ, પ્રતાપ હાથીભાઇ વાંક અને નાગરવાડાના કાનજી કારા સુખડીયાની પોલીસે ૧૦,૩૩૦ની રોકડ સાથે ધરપકડ કરી હતી.