એબીસી ન્યૂઝ એન્કર દ્વારા ડોનાલ્ડ ટ્રમ્પને ખોટી રજૂઆત કરવી મોંઘી સાબિત થઈ છે. હવે ચેનલે ટ્રમ્પ દ્વારા દાખલ કરવામાં આવેલા માનહાનિના કેસમાં 15 મિલિયન યુએસ ડોલર એટલે કે 127.5 કરોડ રૂપિયા ચૂકવવા પડશે. ચેનલે આ કેસનો ઉકેલ લાવવા સંમતિ આપી છે. આ રકમથી એક પુસ્તકાલય બનાવવામાં આવશે જેમાં મુલાકાત લેવા માટે કોઈ ચાર્જ નહીં લાગે.

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ પર ખોટી ટિપ્પણી કરવી એબીસી ન્યૂઝને મોંઘી પડી. હવે ચેનલે ટ્રમ્પ દ્વારા દાખલ કરવામાં આવેલા માનહાનિના કેસમાં 15 મિલિયન યુએસ ડોલર એટલે કે 127.5 કરોડ રૂપિયા ચૂકવવા પડશે. ચેનલે આ કેસનો ઉકેલ લાવવા સંમતિ આપી છે. સીએનએનના રિપોર્ટ અનુસાર આ રકમથી એક લાઇબ્રેરી બનાવવામાં આવશે, જેમાં કોઈ ફી લેવામાં આવશે નહીં.

એન્કરે કર્યો હતો આ દાવો 

હકીકતમાં આ મામલો એબીસી ન્યૂઝ નેટવર્કના એન્કર જ્યોર્જ સ્ટેફનોપોલસ દ્વારા માર્ચ 2024ના ઇન્ટરવ્યુમાં આપેલા નિવેદનોમાંથી બહાર આવ્યો હતો. એન્કરે દાવો કર્યો હતો કે ટ્રમ્પ લેખક ઇ. જીન કેરોલ પર બળાત્કાર કરવા માટે દોષી સાબિત થયા છે.

ટ્રમ્પના વકીલને પણ ચૂકવશે વળતર

સમાધાનના ભાગરૂપે ABC ન્યૂઝ ટ્રમ્પના વકીલની ફીને આવરી લેવા અને માફી માગવા માટે 1 મિલિયન અમેરિકી ડોલર ચૂકવશે.

ચેનલ માફી માંગશે

એબીસી ન્યૂઝ મુકદ્દમાના સમાધાનના ભાગરૂપે ઓનલાઈન લેખ, લેખન પર સંપાદકની નોંધના રૂપમાં માફી જાહેર કરશે જેમાં લખશે કે, ABC ન્યૂઝ અને જ્યોર્જ સ્ટેફનોપોલોસે 10 માર્ચ, 2024 ના રોજ ABC ના ધ વીક પ્રોગ્રામમાં નેન્સી મેસ સાથેની મુલાકાત દરમિયાન ડોનાલ્ડ ટ્રમ્પ વિશે આપેલા નિવેદનો પર ખેદ વ્યક્ત કર્યો.