આરોપી સામે ચોતરફથી ફીટકાર : નરાધમને એસપી સમક્ષ રજુ કરાયો

જામનગર તાબેના સિકકા ગામમાં આઠ વર્ષની બાળાને અડપલા કયર્િ બાદ પછાડીને મોતને ઘાટ ઉતારવાના અત્યંત અરેરાટીજનક બનાવમાં ગણતરીની કલાકોમાં નરાધમ કુટુંબીક મામાને પોલીસે પકડી પાડી બે દિવસના રીમાન્ડ પર લીધો છે, ગઇકાલે બપોરે આરોપીને એસપી કચેરી ખાતે લાવવામાં આવ્યો હતો.

સિકકા ગામમાં ત્રણ-ચાર દિવસ પહેલા મામા-ભાણેજના સબંધને શર્મસાર કરતો કિસ્સો સામે આવ્યો હતો જેમાં 8 વર્ષની માસુમ બાળકીને અડપલા કરી ડરાવી હતી એ પછી બાળાને જમીન અને દિવાલમાં માથુ અથડાવીને ગંભીર ઇજા કરતા તેણીનું મોત નિપજયુ હતું, આ અંગે મૃતક બાળકીની માતા દ્વારા સિકકા પોલીસ સ્ટેશનમાં શખ્સ સામે ગુનો નોંધાવ્યો હતો, તુરંત પોલીસ દ્વારા તપાસ આદરી હતી અને આરોપી નરાધમ કુટુંબી મામાની ધરપકડ કરવામાં આવી હતી, આગવી ઢબે પુછતાછ કરી હતી.

આરોપીને કોર્ટ સમક્ષ રજુ કરીને બે દિવસના રીમાન્ડ પર લેવામાં આવ્યો છે, અને ગઇકાલે એસપી કચેરીએ આરોપીને લાવવામાં આવ્યો હતો આ અંગેની વધુ તપાસ સિકકા પોલીસ દ્વારા ચલાવવામાં આવી રહી છે. બનાવના કારણે આરોપી સામે ચોતરફથી ફીટકારની લાગણી વરશી રહી છે.