વિસાવદરના મોણીયા ગામે મૂળ મેંદરડા તાલુકાના મોટી ખોડીયાર ગામના અને હાલ સાવરકુંડલા રહેતા ભાર્ગવભાઈ બારૈયા નામના યુવકને રસ્તામાં છરીની અણીએ અપહરણ કરી બાઈકની ચાવી માથામાં મારી ઇજાગ્રસ્ત કરી બાઈક મોબાઈલ અને ઘડિયાળ મળી ૪૦,૦૦૦ની લૂંટ કર્યાની ફરીયાદ મામલે એસપી હર્ષદ મહેતાના આદેશ ને પગલે ડીવાયએસપી હિતેશ ધાંધલીયાના માર્ગદર્શન હેઠળ વિસાવદર પીઆઇ આર બી ગઢવી સહિતની ટીમે ઊંડાણપૂર્વકની તપાસ હાથ ધરતા બાઈક લઈ નાસી ગયેલ મોણિયાના રાજ મકવાણા નામનો યુવક ભાર્ગવભાઈની બાઈક સોમનાથ રાજકોટ હાઇવે પર આવેલ પરફેક્ટ હોટલ ગોંડલ ખાતેથી મળી આવી હતી ત્યારબાદ ટેકનિકલ સોર્સની મદદથી યુવક દ્વારકા હોવાની બાતમીને આધારે વિસાવદર પોલીસની ટીમે દેવભૂમિ દ્વારકાની એલસીબી ની ટીમના સહયોગથી નાસી ગયેલ રાજ ઉર્ફે બારોટ રાજ ઉર્ફે ભગો ઉર્ફે જીવણો મનસુખ મકવાણા રહે મોણીયાને ઝડપી લઇ વધુ પૂછપરછ હાથ ધરતા યુવક પાસેથી મળેલ મોબાઈલ ચોટીલા ખાતેથી એક યુવાન પાસેથી ઝૂંટવી લીધાની કબુલાત કરી હતી આ ઉપરાંત યુવકે રાજકોટ ના માલવયા નગર થોરાળા અને યુનિવર્સિટી પોલીસ સ્ટેશન અંતર્ગત જુનાગઢ જિલ્લ ાના વિસાવદર ભેસાણ મળી કુલ છ તથા શહેરના તાલુકા અને એ ડિવિઝન પોલીસ સ્ટેશન વિસ્તારના  વિવિધ સ્થળો પરથી કુલ ૧૪ ચોરી કર્યાની કબુલાત કરી હતી. પાસેથી પોલીસે મોબાઈલ અને મોટરસાયકલ કબજે કરી વધુ કાર્યવાહી વિસાવદર પોલીસે હાથ ધરી હતી. વિસાવદર પોલીસે લૂંટ અને અપહરણના ગુન્હાના આરોપીને ઝડપી લઇ ગુન્હા નો ભેદ ઉકેલ્યો હતો.