લોકવાયકા અનુસાર ભાઈબીજના દિને દ્વારકાધીશના અષ્ટપટ્ટરાણી પૈકીના એક યમુનાજીએ તેમના ભાઈ યમરાજને ભોજન માટે આમંત્રણ આપ્યુ.બહેનનું આમંત્રણ સ્વિકારી ભાઈબીજના યમરાજે સોનાની દ્વારકામાં પધારી યમુનાજીના હાથે ભોજન કરી આશીર્વાદ પાઠવેલા કે,આજના દિને કોઈપણ વ્યક્તિ ગોમતીજીમાં સ્નાન કરી દિપદાન કરશે તેમને યમરાજ કયારેય નડતરરૂપ થશે નહિં. ત્યારથી દ્વારકા શહેર તથા આસપાસના વિસ્તારની ગૃહીણીઓ દ્વારા ભાઈ બીજની સંધ્યાએ ગોમતી નદીમાં દિપ તરાવવામાં આવે છે.

​​​​​​​

ભાવિકોની ભારે ભીડ વચ્ચેએન્ટ્રી ગેઇટ નં. ૨ ખસ્યો.. ભાઇબીજ પર્વે ભાવિકોની ભારે ભીડ વચ્ચે બપોરે એન્ટ્રી ગેઇટ નં. ૨ પાસે હંગામી સ્ટ્રકચર ખસી ગયુ હતુ.ભાવિકોની ભીડ સામે લાચાર તંત્ર દ્વારા બપોરના સમયે પુન: હંગામી ગેઇટને મુળ જગ્યા પર ગોઠવવો પડયો હતો.આ અંગે સોશિયલ મિડીયામાં વિડીયો વાયરલ થયો હતો.


ત્યોહાર દરમ્યાન સુદર્શન સેતુ પર યાત્રાળુઓ-સહેલાણીઓનું ઘોડાપુર ઉમટ્યું

યાત્રાધામ બેટ દ્વારકાને જમીન માર્ગે ઓખા સાથે જોડતો સુદર્શન સેતુ દેવભૂમિ દ્વારકા જિલ્લાનુ નવલુ નજરાણુ બની રહયો છે.દિવાળીના મીની વેકેશનમાં દ્વારકા આવતા હજારો યાત્રાળુઓ-સહેલાણીઓ આજુબાજુના ધાર્મિક-પર્યટક સ્થળોની અચૂક મુલાકાત લ્યે છે. જે સાથે ભગવાન શ્રીકૃષ્ણના નિવાસસ્થાન બેટ દ્વારકાના દર્શનાર્થે પણ આવે છે. દિવાળી પર્વ શ્રૃંખલા દરમિયાન મોટી સંખ્યામાં યાત્રાળુઓએ બેટ દ્વારકાને જમીન માર્ગે જોડતા સુદર્શન સેતુની મુલાકાત લીઘી હતી જે સાથે યાત્રાળુઓ-સહેલાણીઓ સાથે વાહનો કતારબધ્ધ રીતે પુલ પર પસાર થતા જોવા મળ્યા હતા. જયારે અમુક લોકો પગપાળા પણ ભ્રમણ કરતા નજરે પડયા હતા.સુદર્શન સેતુ પર એક તબકકે ભારે ભીડ જોવા મળી હતી.​​​​​​​