શહેરમાં મુસાફરોને રિક્ષામાં બેસાડી અગાઉથી જ તેમાં મુસાફરના સ્વાંગમાં બેઠેલા ગઠિયાઓ ધક્કામુકી કરી ઉલ્ટી કરવાના બહાને મુસાફરોના ખિસ્સા હળવા કરી લીધાનું પોલીસમાં નોંધાયું છે, ત્યારે રિક્ષા નહીં બલ્કે ઈકોમા બેસાડી પ્રૌઢના ખિસ્સામાથી પૈસા કાઢી લીધાનો બનાવ સામે આવ્યો છે. આ બનાવમાં પ્રૌઢની ફરિયાદ પરથી પોલીસે ગુનો નોંધી તપાસ હાથ ધરી હતી જેમાં પોલીસે ગેંગના ૬ શખ્સોને સંકજામાં લીધા છે.
શહેરના જીવરાજપાર્ક સીતાજી ટાઉનશીપમાં રહેતા અને નિવૃત જીવન જીવતા રમેશભાઈ લક્ષમણભાઈ પાલા (ઉ.વ.૫૫) નામના પ્રૌઢ બે દિવસ પહેલા લમીનગર જીઇબીએ થી વીજબીલ ભરીને ચાલીને જઈ રહ્યા હતા ત્યારે તેમની પાસે કબૂતરી કલરની ઇકો આવી ઉભી રહી હતી અને ડ્રાઈવરની બાજુની સીટમાં બેઠેલા વ્યકિતએ કાકા કેમ ચાલી ને જાવ છો, આમા બેસી જાવ કહી તેની બાજુમાં આગળ બેસાડા હતા થોડે આગળ ઇકો જતા જ બાજુમાં બેઠેલો શખ્સ ઉલ્ટી ઉબકા કરવા લાગ્યો હતો. આથી ડ્રાઈવરએ વ્યકિતની તબિયત ખરાબ થઈ ગઈ છે કહી પ્રૌઢને નીચે ઉતરી જવા કહ્યું હતું. પ્રૌઢએ નીચે ઉતરતા ઇકો નીકળી ગઈ હતી. થોડીવાર પછી પ્રૌઢએ ખિસ્સામાં હાથ નાખતા .૫૭૦૦ ન હોવાનું જોવા મળતા ઈકોમા બેઠેલા અજાણ્યા શખ્સએ પૈસા કાઢી લીધાનું જણાતા બનાવ અંગે પ્રૌઢે માલવિયા નગર પોલીસમાં જીજે ૧૨ બીએફ ૧૭૭૦ નંબરની ઇકો કારમાં બેઠેલા અજાણ્યા શખ્સ સામે ફરિયાદ નોંધાવતા પોલીસે ગુનો નોંધી સીસીટીવી અને ઇકો કારના નંબરના આધારે તપાસ તેજ કરતા પોલીસે ૬ શખ્સોને સંકજામાં લઇ પુછપરછ હાથ ધરી છે