વૃઘ્ધાને દાખલો કઢાવી આપવાના બહાને પૈસા લઇ લેતા બખેડો થયો

જામનગરની સરકારી કચેરીઓમાં વચેટીયા અને એજન્ટો ફરી અરજદારોને ખંખેરી રહયા હોવાની વિગતો સામે આવી રહી છે, થોડા વર્ષો પહેલા વચેરીયા - એજન્ટરાજ આવી કચેરીઓમાંથી દુર કરવા આદેશ છુટયા હતા જે બાદ ફરી એકવાર લેભાગુઓ અરજદારો પાસેથી દાખલાઓ કઢાવી આપવાના બહાને પૈસા પડાવતા હોવાનો મામલો આજે લાલબંગલા સર્કલ પાસે સામે આવ્યો હતો જયાં આવા એક શખ્સની ધોલાઇ કરવામાં આવી હોવાનું જાણવા મળ્યું છે.
જામનગર લાલબંગલા સર્કલ નજીક દાખલો કઢાવી આપવાના બહાને એક વૃઘ્ધા પાસેથી એક યુવકે પૈસા લઇ લીધા હતા અને એ પછી દાખલો નહીં મળતા વિફરેલા વૃઘ્ધાએ જાહેરમાં યુવકને મેથીપાક ચખાડયો હતો આ વેળાએ લોકોના ટોળા એકત્ર થઇ ગયા હતા અને મામલો પોલીસ મથકે લઇ જવાયો હતો.