છત્તીસગઢમાં સુરક્ષા દળો અને નક્સલીઓ વચ્ચેની અથડામણો અટકવાના કોઈ સંકેત દેખાઈ નથી રહ્યા. ફરી એકવાર, બીજાપુર જિલ્લામાં સુરક્ષા કર્મચારીઓ અને નક્સલીઓ વચ્ચે એન્કાઉન્ટર થયાના અહેવાલ છે. છત્તીસગઢના બીજાપુર જિલ્લામાં આજે સવારે સુરક્ષા દળો અને નક્સલવાદીઓ વચ્ચે અથડામણ થઈ હતી, એમ એક વરિષ્ઠ પોલીસ અધિકારીએ જણાવ્યું હતું.

પોલીસ અધિકારીઓએ જણાવ્યું હતું કે મદ્દીદ પોલીસ સ્ટેશન વિસ્તાર હેઠળના જંગલમાં સુરક્ષા કર્મચારીઓની સંયુક્ત ટીમ નક્સલ વિરોધી કાર્યવાહી પર હતી ત્યારે ગોળીબાર શરૂ થયો હતો. એન્કાઉન્ટરમાં ત્રણ નક્સલીઓ માર્યા ગયા હોવાના અહેવાલ છે. પોલીસ અધિકારીએ જણાવ્યું કે, આ કામગીરીમાં ડિસ્ટ્રિક્ટ રિઝર્વ ગાર્ડ, સ્પેશિયલ ટાસ્ક ફોર્સ અને ડિસ્ટ્રિક્ટ ફોર્સના કર્મચારીઓ સામેલ હતા.

અધિકારીએ આ ઘટના વિશે વધુ માહિતી આપી:

 વચ્ચે-વચ્ચે ગોળીબાર હજુ પણ ચાલુ છે, વધુ માહિતીની રાહ જોવાઈ રહી છે.

 તેમણે એ પણ માહિતી આપી કે આ વિસ્તારમાં સર્ચ ઓપરેશન હાથ ધરવામાં આવી રહ્યું છે.

 ઘટનાનો તાગ મેળવી રહેલા એએસપી ગુર્જરે જણાવ્યું હતું કે પાર્ટી પરત ફર્યા પછી એન્કાઉન્ટર અંગે વિગતવાર માહિતી આપવામાં આવશે.