ઓફીસની બહાર ફીટ કરેલા કેમેરા તોડી નાખ્યા : અજાણ્યા શખ્સોનું કારસ્તાન

જામનગરના પવનચકકી પાસે ઇલેકટ્રીકની ઓફીસ બહાર રાખેલ 30 મીટર કોપર વાયર ચોરી કરી ગયાની અને બહાર ફીટ કરેલા કેમેરા તોડી નાખ્યાની અજાણ્યા શખ્સો સામે ફરીયાદ કરવામાં આવી છે.

જામનગરના પટેલપાર્ક પાસે વૃંદાવન પાર્ક શેરી નં. 2માં રહેતા ઇલેકટ્રીકના કોન્ટ્રાકટર સુભાષ હીરાલાલ શાહ (ઉ.વ.44)એ અજાણ્યા ઇસમો વિરુઘ્ધ કોપર વાયર ચોરી કરી ગયાની અને સીસી કેમેરાને નુકશાન કયર્નિી ફરીયાદ નોંધાવી છે.

જામનગરના પવનચકકી વેજુમાની વાડી સામે ન્યુ ગાયત્રી ઇલેકટ્રીક નામની ઓફીસ બહાર ફરીયાદીએ રાખેલ ઇલેકટ્રીક મોટર વાયર વિંટેલ હતી જે મોટરમાં વિંટેલો કોપરનો વાયર આશરે 30 મી. કિ. 45 હજાર જે તા. 25ના રાત્રીના કોઇપણ સુમારે કોઇ અજાણ્યા શખ્સો ચોરી કરી લઇ ગયા હતા.

ઉપરાંત ઓફીસની બહાર ફીટ કરેલ સીસી ટીવી કેમેરા તોડી નાખી નુકશાન પહોચાડયુ હતું. ફરીયાદ અનુસંધાને સીટી-એ પોલીસ દ્વારા અજાણ્યા શખ્સોની શોધખોળ આદરવામાં આવી છે.