પોલીસ સુત્રો માંથી મળતી વિગતો મુજબ રાજકોટ શહેર ડીસીપી ઝોન ટુ રાકેશ દેસાઈની સૂચનાથી એલસીબી ઝોન ટુ પીએસઆઇ આર એચ ઝાલા, અને ટીમ વિસ્તાર પેટ્રોલિંગમાં નીકળ્યા હતા તે દરમિયાન હેમેન્દ્રભાઈ વાઘિયા જેન્તીભાઈ ગોહિલ સહિતની ટીમે નાનામવા લક્ષ્મીનગર રોડ પર કાર જી જે 1 કે ડી 5014ને અટકાવી તલાસી લેતા કારમાંથી 24 બોટલ વિદેશી દારૂ કિંમત રૂપિયા 26,400 નો મળી આવતા આરોપી મહેશ ભનુભાઈ મુછડીયા ઉંમર 25 રહે લક્ષ્મીનગર શેરી નંબર 5 નાના મવા રોડ વાળાની ધરપકડ કરી કાર દારૂ સહિત કુલ ૧.૫૧ લાખનો મુદ્દામાલ કબજે કર્યો હતો.

બીજા દરોડામાં બી ડિવિઝન પોલીસ મથકના ડી સ્ટાફના રાજદીપભાઈ પટગીર અને જગમાલભાઇ જાદવ સહિતની ટીમે મોરબી રોડ ધોળકિયા સ્કૂલ નજીક મુકેશ ઉર્ફે ટોગો વશરામભાઈ સોલંકી ઉમર 40 રહે મોરબી રોડ ધોળકિયા સ્કૂલ સામે વાળાને બે બોટલ વિદેશી દારૂ સાથે ઝડપી ધોરણ સાત ની કાર્યવાહી હાથ ધરી હતી.