બંગાળમાં હડતાળ કરી રહેલા જુનિયર ડોક્ટરોએ મુખ્યમંત્રી મમતા બેનર્જી સાથે બેઠક કરવાનો ઈન્કાર કરી દીધો હતો. સરકાર દ્વારા બેઠકનું લાઈવ ટેલિકાસ્ટ ન કરવા જણાવાયું હતું.

કોલકાતા બળાત્કાર કેસને લઈને પશ્ચિમ બંગાળમાં હડતાળ પર રહેલા ડૉક્ટરોએ મુખ્યમંત્રી મમતા બેનર્જી સાથે બેઠક કરવાનો ઈન્કાર કરી દીધો હતો. સુપ્રીમ કોર્ટના આદેશ બાદ પશ્ચિમ બંગાળ સરકારે આંદોલનકારી ડોક્ટરોને વાતચીત માટે બોલાવ્યા હતા. આંદોલનકારી ડોક્ટરો સાથે વાત કરવા માટે મમતા બેનર્જી પણ ત્યાં પહોંચી હતી. તેણીએ 2 કલાકથી વધુ સમય સુધી રાહ જોઈ, પરંતુ ડૉક્ટર વાત કરવા આવ્યા નહીં. આ પછી મમતા બેનર્જીએ કહ્યું, હું હાથ જોડીને બંગાળની જનતાની માફી માંગુ છું કે અમે ડોક્ટરોને કામ પર પાછા લાવી શક્યા નથી.

મમતા બેનર્જીએ કહ્યું કે, રાજ્યમાં સારવારના અભાવે 27 લોકોના મોત થયા છે. પરંતુ હજુ પણ તબીબો હડતાળ પર છે. મેં ત્રણ વખત પ્રયાસ કર્યો, પરંતુ ડોકટરો સાથે મુલાકાત થઈ શકી નહીં. મમતાએ કહ્યું, હવે જો કોઈ બેઠક થશે તો તે મુખ્ય સચિવ અને અન્ય અધિકારીઓ સાથે થશે.

હું રાજીનામું આપવા તૈયાર છું- મમતા બેનર્જી

મમતા બેનર્જીએ કહ્યું, કેટલાક લોકોને મારી ખુરશી જોઈએ છે. હું રાજીનામું આપવા તૈયાર છું. હું સત્તાની ભૂખ નથી. મમતા બેનર્જીએ કહ્યું કે, મોટાભાગના લોકો મીટિંગમાં આવવા તૈયાર હતા. પરંતુ એક-બે લોકોને બહારથી સૂચનાઓ મળી રહી હતી કે વાત ન કરો.