કંગના રનૌતનું નસીબ ચમક્યું છે. તે હોલીવુડમાં ડેબ્યૂ કરવા જઈ રહી છે. હા, તેને હોલીવુડની એક હોરર ડ્રામા ફિલ્મમાં મહત્વપૂર્ણ ભૂમિકા ભજવવાની તક મળી છે.તે હોલીવુડ હોરર ડ્રામા ફિલ્મ 'બ્લેસ્ડ બી ધ એવિલ' માં મુખ્ય ભૂમિકા ભજવતી જોવા મળશે. આ ફિલ્મમાં કંગના 'ટીન વુલ્ફ' ફેમ અભિનેત્રી ટાયલર પોસી અને હોલીવુડ આઇકોન સિલ્વેસ્ટર સ્ટેલોનની પુત્રી સ્કારલેટ રોઝ સ્ટેલોન સાથે જોવા મળશે.

એક રિપોર્ટ મુજબ, આ ફિલ્મનું શૂટિંગ આ ઉનાળામાં શરૂ થશે. નિર્માતાઓએ કહ્યું કે આખી ફિલ્મ અમેરિકામાં શૂટ કરવામાં આવશે. આનું કારણ એ છે કે તાજેતરમાં ટ્રમ્પે જાહેરાત કરી હતી કે યુનાઇટેડ સ્ટેટ્સની બહાર બનેલી ફિલ્મો પર 100% ટેરિફ લાદવામાં આવશે. આ ફિલ્મમાં એક ખ્રિસ્તી યુગલની વાર્તા બતાવવામાં આવશે. બંને સાથે ખૂબ ખુશ છે અને માતા-પિતા બનવા માટે સંપૂર્ણપણે તૈયાર છે, પરંતુ લેડીનો ગર્ભપાત થાય છે. ગર્ભપાત પછી બંને એક ખેતર ખરીદે છે. તે ખેતરનો ભૂતકાળ ખૂબ જ ભયાનક છે. ખેતર ખરીદતી વખતે આ દંપતીના પ્રેમ અને વિશ્વાસની કસોટી થાય છે.આગળ શું થાય છે તે જોવા માટે ફિલ્મ જોવી જ રહી.