વટામણ-ભાવનગર માર્ગ પર કાર પલ્ટી જતાં કલ્યાણપુરના મહિલાનું મોત

  • April 02, 2025 03:26 PM 
Aajkaal Daily (Desh Pardesh Ni Aajkaal)


વટામણ-ભાવનગર માર્ગ પર અચાનક ટ્રેક્ટર સામે આવી જતાં ચાલકે કાબુ ગુમાવતા કાર માર્ગ પરથી ઉતરી ઉંધી વળી જતાં કારમાં સવાર વલ્લભીપુરના કલ્યાણપુરની મહિલાનું ગંભીર પ્રકારની ઇજાઓ થતા મોત નીપજ્યું હતું.
ભાવનગર જિલ્લાના કલ્યાણપુર ગામના વતની અને સુરતમાં રહેતા  હીરજીભાઈ કેશવભાઈ બગડિયાએ કોઠ પોલીસ મથકમાં નોંધાવેલી ફરિયાદ મુજબ તેઓ અને  તેમની પત્ની ચંપાબેન કાર લઈને કલ્યાણપુર ખાતે માતાજીના દર્શન કરવા માટે સુરતથી નીકળ્યા હતા.  દરમ્યાન વટામણ-ભાવનગર માર્ગ પરથી પસાર થતા હતા ત્યારે  ગૌશાળા સામે એક ટ્રેક્ટર ચાલક અચાનક તેનું વાહન લઈને મુખ્ય રોડ પર આવી ગયો હતો. એકાએક ટ્રેક્ટર સામે આવી જતાં કાર સાઈડમાંથી લેવાનો પ્રયાસ કર્યો હતો. પરંતુ કાર બે કાબુ બનતા માર્ગ પરથી ઉતરી બાજુના ખેતરમાં ઊંધી વળી ગઈ હતી.  ઘટનાના પગલે આજુબાજુમાંથી દોડી આવેલા લોકોએ ચંપાબેનને કારમાંથી બહાર કાઢી ઈજાગ્રસ્ત હાલતમાં ધંધુકા હોસ્પિટલમાં ખસેડ્યા હતા.જ્યાં આગળ તેનું મોત નીપજ્યું હતું. આ અંગે કોઠ પોલીસે તપાસ હાથ ધરી હતી.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application