જુનાગઢ જિલ્લ ામાં ભાદરવો ભરપૂર હોય તેમ જિલ્લ ામાં વરસાદના વધુ એક રાઉન્ડ થી ગરમીથી અકળાયેલા લોકોને રાહત મળી હતી. સૌથી વધુ વિસાવદરમાં સાડા છ ઇંચ વરસાદ વરસતા નદીનાળામાં ઘોડાપૂર આવ્યા હતા. વરસાદની ચાતક નજરે રાહ જોઈ રહેલા ખેડૂતોમાં પણ મેઘમહેરથી ખુશીનું મોજુ છવાયું હતું. જિલ્લ ામા વિસાવદર ઉપરાંત અન્ય તાલુકાઓમાં પણ એક થી ત્રણ ઈંચ સુધીનો વરસાદ પડ્યો છે. આજે સવારે પણ ધીમીધારે વરસાદ વરસી રહ્યો છે. જુનાગઢ જિલ્લ ામાં નોંધાયેલા વરસાદમાં ભેસાણમાં ત્રણ, માળીયાહાટીના અઢી, માંગરોળ અને કેશોદમાં દોઢ, જુનાગઢ, વંથલીમાં એક, મેંદરડા માં બે અને માણાવદરમાં હળવા ઝાપટા વરસી રહ્યા છે. જિલ્લ ામાં સીઝન નો વરસાદ 159 ટકા વરસી ગયો છે. ભાદરવાના વધુ એક રાઉન્ડથી નવરાત્રિના રાસ ગરબાના આયોજકો અને ખેલૈયાઓમાં ચિંતાનું મોજુ પ્રસર્યું છે.