અમદાવાદના ચકચારી ખ્યાતિ હોસ્પિટલ કાંડના મુખ્ય આરોપી કાર્તિક પટેલને ગ્રામ્ય કોર્ટે બે દિવસના હંગામી જામીન મંજૂર કર્યા છે. કાર્તિક પટેલે પોતાની જમીન વેચવા માટે કોર્ટમાં હંગામી જામીન માટે અરજી કરી હતી, જેને અમદાવાદ ગ્રામ્ય કોર્ટે મંજૂર કરી છે.

ખ્યાતિ હોસ્પિટલમાં ગેરકાયદેસર રીતે દાખલ દર્દીઓના મોત મામલે કાર્તિક પટેલ મુખ્ય આરોપી છે અને લાંબા સમયથી જેલમાં બંધ છે. જમીન વેચવાની પ્રક્રિયા પૂર્ણ કરવા માટે કાર્તિક પટેલે કોર્ટ પાસે ટૂંકા ગાળાના જામીન માંગ્યા હતા. કોર્ટે તમામ પાસાઓ પર વિચાર કર્યા બાદ બે દિવસ માટે હંગામી જામીન મંજૂર કર્યા છે. આ જામીન મળવાથી કાર્તિક પટેલને જમીન સંબંધિત કાર્યવાહી કરવામાં મદદ મળશે. જો કે, બે દિવસ પૂર્ણ થયા બાદ તેણે ફરીથી જેલમાં હાજર થવાનું રહેશે.