જામનગરમાં હજુ પણ ઠંડી-ગરમીનો અહેસાસ: મહતમ તાપમાન ૩૨ ડીગ્રી

February 24, 2026 12:53 PM

જામનગર સહિત સમગ્ર હાલારમાં છેલ્લા ત્રણ ચાર દિવસ ફરીથી ઠંડીનો સિલસિલો શરૂ થયો છે પરંતુ હજુ પણ બપોરનાં ૧૨ થી ૫ દરમ્યાન ગરમી જોવા મળે છે ત્યારે લોકો મિશ્ર ઋતુનો અનુભવ કરી રહ્યા છે. ગઇકાલે ૨૦ કિ.મી.ની ઝડપે ઠંડો પવન ફુંકાતા વાતાવરણમાં થોડો બદલાવ આવ્યો હતો.

કલેકટર કચેરીનાં કંટ્રોલરૂમના જણાવ્યા મુજબ લઘુતમ તાપમાન ૨૦ ડીગ્રી, મહતમ તાપમાન ૩૨ ડીગ્રી, હવામાં ભેજ ૭૦ ટકા, પવનની ગતિ ૧૫ થી ૨૦ પ્રતિકલાક જોવા મળી હતી.

ગામડાઓમાં પણ ઠંડી ગરમીનાં મિશ્ર માહોલથી લોકો પરેશાન થઇ રહ્યા છે. કાલાવડ, ખંભાળીયા, દ્વારકા, ભાટીયા, રાવલ, કલ્યાણપુર, જામજોધપુર, ધ્રોલ, જોડીયા, લાલપુર સહિતનાં ગામોમાં પણ ઠંડી અને ગરમીનો મિશ્ર વાતાવરણ જોવા મળ્યું છે. મિશ્ર ઋતુનાં કારણે ગામડાઓમાં સીએચસી અને પીએચસી કેન્દ્રોમાં પણ દર્દીની સંખ્યામાં વધારો થયો છે. જામનગરની જી.જી. હોસિપટલમાં ઓપીડીમાં પણ શરદી, ઉધરસ, તાવનાં કેસો વઘ્યા છે.

ત્રણ ચાર દિવસથી ઓચિંતુ વાતાવરણ ફરી ગયુ છે. અને સવારે ફરીથી પહેલાની જેમ જ ઠંડો પવન ફુંકાઇ રહ્યો છે. હવામાન ખાતુ જણાવે છે કે હજુ એકવાર ઠંડીનું રાઉન્ડ આવશે. પરંતુ હજુ જે રીતે પવન ફુંકાઇ રહ્યો છે તે જોતાં હજુ ૧૫-૨૦ દિવસ હાલારમાં મિશ્ર ઋતુ જોવા મળશે.

ગામડામાં ગરમીની કારણે ખેતરમાં કામ કરતા મજુરોને પણ હાલાકીનો સામનો કરવો પડયો હતો. બપોરના ૧૨ વાગ્યે તરતજ ઉનાળા જેવી ગરમી શરૂ થઇ જાય છે. જો કે સાંજે ૭ વાગ્યા બાદ ગરમીમાં રાહત જોવા મળે છે. આ વર્ષે વધુ ગરમી પડશે તેવી પણ હવામાન ખાતાએ પહેલેથી જ આગાહી કરી દીધી છે. પરંતુ હાલ તો ઠંડી ગરમીનું મિશ્રણ જોવા મળે છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં હજુ પણ ઠંડી-ગરમીનો અહેસાસ: મહતમ તાપમાન ૩૨ ડીગ્રી

Recent News

Gujarat's No. 1 evening newspaper