જામજોધપુરના રાજાણી પ્લોટ ખાતે રહેતા આહિર પરિણીતાએ કોઇ અગમ્ય કારણસર ગળેફાંસો ખાઇને જીવાદોરી ટુંકાવી લેતા શોકની લાગણી ફેલાઇ ગઇ હતી, બીજી બાજુ પોલીસ દ્વારા બનાવ પાછળનું કારણ જાણવા તપાસ હાથ ધરી છે.

જામજોધપુરના રાજાણી પ્લોટ રસિક માર્કેટ પાસે રહેતા ભાવિશાબેન વિશાલભાઇ પોપાણીયા (ઉ.વ.૨૯) નામની પરિણીતાએ ગઇકાલે બપોરે પોતાના રહેણાંક મકાનના ‚મમાં કોઇ અગમ્ય કારણસર ગળાફાંસો ખાઇને આપઘાત કરી લીધો હતો.

આ અંગે રાજાણી પ્લોટ ખાતે રહેતા ટ્રાવેલ્સના ધંધાર્થી વિશાલ માલદેભાઇ પોપાણીયાએ જામજોધપુર પોલીસમાં જાણ કરતા કયા કારણસર પગલુ ભર્યુ એ સહિતની દિશામાં પોલીસ દ્વારા તપાસ ચલાવવામાં આવી રહી છે.